[ابو محمد العريض]

بدون مقدمات اليكم هذه القصيده..

لاضاقت الدنيا بعيني واظلمت والليل طـال

ارجع واقول اللي عقد روس الحبال يحلّهـا

دام الآمل بالله باقـي والرجابـه لايـزال

سبحانه اللي عالم (ن) دقّ الآمور وجلّهـا

المانع المعطي هو الرازق عليـه الآتكـال

الخالق البـاري عليـم(ن) بالنوايـا كلّهـا

القابض الفاتح ولا غيره يوصف بالكمـال

الوالي الغفـار بيديـه الصّعـاب وحلّهـا

الواحد القهّار ماخيّب اظنون اللـي يسـال

الواجد الماجد اليا شـاء الفيـاض يعلّهـا

أدعيه باسماه العظام وفزعته في كل حـال

يفرج هموم اللي همومـه لاقبلـت يقبلّهـا

لو كان ياليل الشقى محسوب من سود الليال

العمر يمضي والنّفوس يزيـد فيهـا غلّهـا

أشيل ماشال البليهي لارتكى شـال الثقـال

اصمد اليا جات المواقف والـدروب ادلّهـا

ومالي ومال اللي يدور للسوالف والجـدال

اللي علومه كـلّ يـوم يصرّهـا ويفلّهـا

انا معي عقلي ورجلي تعتلي روس الجبال

ياللي تبليـت الآودم كـان تسمـع خلّهـا

الكلمه اللي مبهمه ماهي حـرام ولا حـلال

اليا اطلعت اطلع لها واليا انزلت مانزلّهـا

اعز نفسي عن كلام(ن) مايـرد ومايقـال

لو مرروها للحضـور وجاتنـي مافطلّهـا

كلمة ضعيفين النفوس تحملك ذنب ووبـال

لاصار ماهي طيبه وتقال ..لاجـا حلّهـا

أخير منها كلمتين(ن) ترفعك عند الرجـال

الله يعينـك يابـن أدم والفرايـض صلّهـا

دنياك هذي زايلـه لاتعتبرهـا راس مـال

الرابح اللي عـز نفسـه بالزمـن ماذلّهـا

ايامنا دوراتها مابيـن حـلّ(ن) وارتحـال

ماينعرف وش كثرها وماينعرف وش قلّهـا

خل الآمل بالله باقـي والرجابـه لايـزال

سبحانه اللي عالم(ن) دقّ الآمـور وجلّهـا

الموضوع الأصلي: اسما اللة الحسنى | | الكاتب: ابو محمد العريض | | المصدر: شبكة بني عبس

[بنت النور]

مشكور ابو محمد


جزاك اللة خير

[ابو محمد العريض]

مشكورة بنت النور على مرورك

[ابوطافش]

مشكور ابو محمد


جزاك اللة خير

[ابو محمد العريض]

مشكور اخوى ابو طافش على مرورك

[حــزام]

بيض الله وجهك اخوي ابو محمد العريض
وسبحانه الواحد الفرد الصمد
قصيده تشرح نفسها
الله يجزى شاعرها خير الجزاء
لكن لو اسم شاعرها موجود ياليت تضيفه حفظا للحقوق الادبيه ولاعليك امر
ولاخلا ولاعدم

[ابو محمد العريض]

مشكور اخوى ذيب الحجاز


على مرورك



تحياتى

[عاشق الصحراء]

مشكور ابو محمد


جزاك اللة خير