[الاجهر]

بيـت نملـه

لا والله إلا شـدوا البـدو نـجـاع=كـلٍ هـدم مبنـاه وارتـد زمـلـه
شد الشديد وقربـوا كـل مطـواع=وراع المودة فـرق البيـن شملـه
شدوا ودنوا الحنـي كـل مطـواع=كل أشقح ما أحلـى قرينـه ورملـه
غدا لهـم فـوق الرفيعة(1)تمـزاع=اللي بغى يضرب طريق قسـم لـه
وا بكرتاه اللي غدت بيـن الأقطـاع=مع زوعة العربـان ماينجهـم لـه
مدري مع اللي يم دخنـه بالاسمـاع=وإلا مـع اللـي سنـدوا مستهملـة
لا هيب لا حاشي ولا هيب مرجاعع=فرا فتاة وراعيـة مـا وسـم لـه
راعي هدب عينٍٍ مظاليـل ووسـاع=سـود عيونـة والمحاجيـر جملـه
وراعي مجاديلٍ مشطهن يجي بـاع=شقر على هـاك الردايـف يعملـه
ياغصن مـوز ناعـم لـه تمريـاع=ومنين ماهـب الهـوا مـال حملـه
عليه ماوقفـت عيونـي بالأدمـاع=وهجس إن يلحقني على الطول سمله
أعوي عوا ذيب ورا النزل لاجـاع=يقنب إلين الله يجيـب اللحـم لـه
يامل قلب من هـوى زيـد ينصـاع=كما يصوع الصيـد رام خطـم لـه
حبه يخج القلب ما يوجـع أوجـاع=لاشك قلبـي مودعـه بيـت نملـه

فهيد المجماج / راع الأثل

الموضوع الأصلي: لا والله إلا شـدوا البـدو نـجـاع=كـلٍ هـدم مبنـاه وارتـد زمـلـه | | الكاتب: الاجهر | | المصدر: شبكة بني عبس

[وضاح اليمن]

مشكور على الاختيارات الجزله والله اني احب القصيد القديم

[الاجهر]

تسلم ياوضاح اليمن على المرور
لاهنت

[العريض]

صح لسان الشاعر

فهيد المجماج .


اخي الاجهر نقل رائع وموفق لاهنت تحياتي لك

[ابو محمد العريض]

مشكور اخوى الاجهر على لا ختيار الرائع




تحياتى

[الاجهر]

تسلمون عل المرور

[مسندالعويمري]

صح لسان الشاعر

فهيد المجماج .


اخي الاجهر نقل رائع وموفق لاهنت تحياتي لك

[الاجهر]

تسلمون عل المرور والتواجد الرائع