[عبد الرحمن خضير]

ياصاحبي ياعذابي يااثقل همومي=يامصدر الحزن ياربعي وياناسي
ياكامل الوصف فيك العطف معدومي=حيرتني في غلاك وطبعك القاسي
بين السهر والقهر عافتني هدومي=شيطان فكري تعوذ منه هوجاسي
لا حل طاريك ضاعت باقي علومي=ويصير صمتي علامه بين جلاسي
اخد ساعات واتذكرك في نومي=وأن مر طيفك يطير النوم وانعاسي
الوم من هو على قربك نوى لومي=ويلومني خافق باسبابك يقاسي
واليوم اشوف الغلا بيديك مهزومي=نكست رايته اللي عودها راسي
حاولت اجامل ولكن طاحت عزومي=طيحت غصون الشجر من عقب الايباسي
صحيح من ماقسم ماهوب مقسومي=أصدق الوقت ولا اكذب احساسي

الموضوع الأصلي: شيطان فكري تعوذ منه هوجاسي | | الكاتب: عبد الرحمن خضير | | المصدر: شبكة بني عبس

[ابوطافش]

مشكور وصح لسانك
تحياتي لك

[عبدالله المظهور]

عبدالرحمن خضير
شاعر المحاوره والنظم
صدقني انك مبدع في الحالتين
وهذي ميزه قليله في الشعراء .

الله يوفقك ياابو متعب وصح لسانك
على القصيده الجميله والمعبره والحساسه .

تقبل تحياتي ايها الشاااااعر الكبير .

[يوسف العجرمي]

عبدالرحمن خضير
شاعر المحاوره والنظم

صح لسانكـ ولاهنت على هالقصيدة الروعة وبانتظار جديدكـ

"دمت بود"

[مرزوق العجوني]

صح لسانك اخوي عبدالرحمن ولا هنت وتقبل مروري

[عبد الرحمن خضير]

اقتباس من مشاركة ابوطافش مشكور وصح لسانك تحياتي لك

مشكور على مرورك

[عبداللطيف العايضي]

اقتباس من مشاركة عبد الرحمن خضير الوم من هو على قربك نوى لومي=ويلومني خافق باسبابك يقاسي حاولت اجامل ولكن طاحت عزومي=طيحت غصون الشجر من عقب الايباسي صحيح من ماقسم ماهوب مقسومي=أصدق الوقت ولا اكذب احساسي

صح للسانك يا عبدالرحمن الله لايهينك على هالجزله اللي مثل شاعرها

تقبيل مروري

[رشيد بن مريبيع]

صح السانك وبيض الله وجهك أخوي عبدالرحمن
قصيدة جزلة