[سعد المظيبري]

ياكثرهم .. لا قلت لك .. عرفة وجيه

وياقلهم .. لا قلت .. قـدر ومعـزه

رجلٍ .. تعزه بعد ماتلتقـي .. فيـه

ورجلٍ .. قبل ماتلتقي بـه .. تعـزه

ورجلٍ .. ترزه بالمجالـس مباديـه

ورجلٍ .. فلوسه بالمجالـس تـرزه

ورجلٍ .. يموت ولا يجيبون طاريـه

ورجل ٍ .. يجي طاريه في كل حزه

ورجلٍ يهزه .. بعض موقف ويشقيه

ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه

ورجلٍ .. كلام اعـداه .. مايستفـزه

ورجلٍ .. تلزه يعترف لك .. بخافيه

ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيـه

ورجلٍ .. يزعّل من يحاول، يـوزه

ورجلٍ .. تكزه لا زم انك .. توصيه

ورجلٍ .. بليّا ما توصيـه .. كـزه

من لا فرش .. للمرجله .. ماتغطيـه

ومن لايخز .. الناس .. محدٍ يخـزه

ان كنت تعرفني فهي .. عرفة وجيه

مو شرط لك بالقلب قدر .. ومعـزه



تحياااااتي

الموضوع الأصلي: رائعة من روائع خلف مشعان | | الكاتب: سعد المظيبري | | المصدر: شبكة بني عبس

[قيس الملوح]

يحليله دن حجيله

[ناصر عبدالله]

صح لسان الشاعر

وتسلم على ذوقك ونقلك الرائع

بنتظار جديدك

تحياتى

[ابن سنان]

اشكر الشاعر على الكلمة الصادقة والنسج الجميل،كله حكم .
تحياتي

[ابوطافش]

مشكور سعد المضيبري
علي النقل

[المغرم اليائس]

خطيرة جداً

.
.

شكرا ياذووق

[صالح مخلف المظيبري]

صح لسانك
ومشكورر على النقل الرئع
ولا هنت

[العريض]

سعد المظيبري انت خطير ههههههه

صح لسان الشاعر خلف المشعان

بيض الله وجهك اخوي سعد على النقل

لاهنت .تحياتي لك