[عبدالرحمن سعود]

قالوا نسيته قلت شلون بنسى

اللي وريدة مشترك مع وريدي

ابو رموشن هدب وعيون نعسى

منساه لين الداب قرصه يفيدي

العين تشكي من دموعي وتنسى

واقول متى شوفها لي يعودي

احبها لو قلبي اليوم يقسى

وحبها من كل قلبي يزيدي

واجمل ليالي بينا كيف تنسى

والخون لالا مايخون الرشيدي




مع تحيات اخوكم

عبدالرحمن العويمري بأول قصيدة لي والقادم اكثر واجمل باذن المولى

انتظر انتقادكم

الموضوع الأصلي: قالوا نسيتة | | الكاتب: عبدالرحمن سعود | | المصدر: شبكة بني عبس

[ابوفيصل]

صح لسانك اخوي الشاعر


عبدالرحمن العويمري


وشاعر جزل وفالك المليون


والى الامام ان شاء الله

ننتظر منك المزيد من الابيات الرائعة


تقبل تحيات اخوك


ابو فيصل

[سعد المظيبري]

والخون لالا مايخون الرشيدي //// بيض الله وجهك يا خوي الشاعر عبدالرحمن العويمري ولا هنت علي الجزاله الرائعه

[ابوفالح الشقردي]

صح السانك
ياعبدالرحمن الشاعر

[عبدالرحمن سعود]

مشكورين على اتعليق ونشا الله سترون الجديد

[شوووق حـــائل]

صح لسااااااااااااانك وربي قصيدة اكثرررر من ررراااائعة .

[عبدالرحمن سعود]

بالله اي ملاحضه على القصيد اخبروني بها لكي الستفيد

[كهل الصباء]

أخوي العويمري؟
يسعد صباحك.

أولا:بما إن هذي بدايتك؟ فصدقني راح تبدع بالأيام القادمة....أتمنى لك التوفيق.

ثانيا:فيه شوية ملاحظات إن شاء الله تستفيد منها بالمستقبل:-

لاحظ إن النسيان تكرر في قافية البيت الأول والثالث والخامس....وهذا يعد دائماً ضعفاً في مخزون الشاعر اللغوي...فحاول تبتعد عن ذلك قدر المستطاع.
قالوا نسيته قلت شلون (بنسى)
العين تشكي من دموعي و(تنسى)
واجمل ليالي بينا كيف (تنسى)
.......................................

(اللي وريدة مشترك مع وريدي)
أحسنت.

(منساه لين الداب قرصه يفيدي)
هذا الشطر صراحة إبداع لم يسبقك له أحد من الشعراء.

(واقول متى شوفها لي يعودي)
يعودي:خطأ لأنك في البيتين الأول والثاني جعلت القافية (يدي) تتكون من ثلاث حروف...فيجب عليك إكمال القصيدة كلها على الحلروف الثلاث (يدي).

(احبها لو قلبي اليوم يقسى
وحبها من كل قلبي يزيدي)
لا بأس....بيت يعتبر جميل من شاعر مبتدي.

(والخون لالا مايخون الرشيدي)
الخون:ما لها معنى....المفروض تقول:أخون؟ لا لا ما يخون الرشيدي.

أتمنى لك التوفيق وإن شاء الله نشوفك في المستقبل شاعر كبير.


دمت بووووووود