ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
|
|
وقفة مع الشاعرة المبدعة عابرة سبيــل رحمها الله //// جميع القصائد عابرة سبيل
عابرة سبيل
من هـي عابرة سبيل ؟؟؟ وهل هو اسم حقيقي لشاعرة حقيقية أم أنه كما يقول البعض اسم مصنوع لشاعر معروف ؟ الإجابة : نعم هو اسم حقيقي لشاعرة معروفه - كويتية الجنسية واسمها الحقيقي ( وسمية العازمي ) وعمرها حين توفت رحمها الله " 34 " سنة ولديها من الأبناء أربع بنات وولدين . توفيت رحمها الله فـي 18/3/2003 م الساعة العاشرة والنصف مساء ، وهي انسانة بسيطة جداً وهادئة تكره الإعلام وقد كانت تخفي شاعريتها عن الجميع ولم تخبر حتـى زوجها بذلك إلا بعد مرضها رحمها الله . وللعلم فإن زوجها من تولـى طباعة ديوانها الشعري . ولكنها رفضت أن تستلم ديناراً واحداً رغم أن مبيعات الديوان كانت أكثـر من ( 40 ألف دينار كويتي ) تقريباً . أخيراً رحمها الله وأسكنها فسيح جناته . الآن وقفة مع بعض أشعارها المؤثرة والأكثـر من رائـعه . """" لاتسافــر """" و القصائد تكمله انشالله //////// مع تحيات مرشح الجميع >>> سعد المظيبري لا تسافر وتتركني أجاهد غلاك ................... كل شي يهون إلا جهاد الغرام أما تبقى معايا أو اسافر معاك ................... لاتخليني لطوال الليالي طعام خوفي البعد لامنه خذاك وطواك ................... مثل قصر تولاه الزمن والهدام لاتسافر وانا اللي في رجاالله ورجاك ................... لا تسافر و تلقاني بقايــــا حطام لاتســــــــــــــــــافر . . . """" حان الوداع """" حـان الفــراق .. وتم توديع غاليـــن ................... قسـوة زمن وظروف ماهي رحومه وحـاولت ابدّل موقف العسـر باللين ................... وأبـــيــــن قدامه جسور ظلومــــه و أعاتبه وأنقد على دمعة العيــــن ................... وانــا - حشا لله - مانـــي ألــومه و أقول هذا حال كـــل المحبيــــن ................... وهذا الفراق اللــــي تجينا علومه ومسكت نفسي كن ماصاير شين ................... أخشى على خلي يشقق هدومه ثم قلت وش تنطر حبيبي لهالحين؟ ................... أثر ايديني ماسكات كمـــومه ؟؟؟؟ . . . """" هيـّا تغــزل """" كل مااتصل فيك صبح وليل تشكي لي ................... من عوج الاوضاع والدنيا ومتاعبـــها مليت يا صاحبي مابيك تحكي لي ................... هالأسطوانه أنا مليـت مطـــربها حتى خيالك بتـال الليل ياتي لي ................... جروح وعيون معقوده حــواجبـها عيشتني بعالم ماهو على جيلي ................... زهرة شبابي حرام انك تخربــها ياما هجرتك ولا كملّت ترحيــلي ................... حبايب ما تــــعبر عن حبايبـــها حبيبتك ما تحمــّل هالبـــهاذيلي ................... إضحك معاها ولاطفها ولاعبـــها هيّا تغزل وغن وزيـــد تدليـــــلي ................... البنـــت يــــاحبها للي يداعبــــها قلي وش رايك بفستاني ومنديلي؟ ................... الوانهن تعجبك .. أو مانت راغبها؟ وقلي وش رايك بعقدي مع خلاخيلي؟ ................... وشف قذلتي يوم قصينا ذوايبـها وقلي وش رايك بأطباعي وأقاويلي ................... لاحظ عليها وغيّـرها وشطّبـــها خل بيننا انقاش وعلوم وتعاليلي ................... وآمر على البنت وان حبيت طالبها يامدمن الهم كافي دمع بالليلي ................... بكره تشبع من الدنيا ومصايبها دنياك والله .. ماتسوى التزاعيلي ................... حتى ولاهيب كفو الي يعاتبها . . . """" ضايــقه """" ضايقه بالحيل محتاجه اشتكي ................... لولا طبع فيّ .. يمديني شكيت بس أدور عذر منشان البـــكي ................... لو يدوسون بطرف ثوبي بكيت كل ماجيــــت اتريـــــح وارتكي ................... يزدحم في خاطري الفين بيت ويش بيدي افعله غير الحكي؟ ................... قاصره خطوات رجلي لو مشيت أسرعي يانفس موتي واهلكي ................... صرتي همي يوم بالدنيا شكيت . . . """" رغبــه """" أنا أبيك .. وحش يحتوي داخله عصفور ................... وانا ابيك .. طفل يحتوي داخله رجـال أبيك .. الأب بالعطف والأخ بالمعسور ................... أبيك أمي بالتدليل ومداعب الجهـّال انا أبيك .. تاج الستر ياعاري المستور ................... أعاف العقل وانجن مادامهم عقــّال أبيك .. المطاع الطايع المنذل المغرور ................... انا أبيك .. جوعي وشبعتي والفقر والمال أنا أبيك .. تشكيلة عواطف كما البلور ................... أبي تحتوي كل التناقض مع الاشكال أباصيــر انا ويــاك.. داخل بعضنا نـدور ................... ياحتى نضيع وين كنا مع المـــدخال خلاص انتهى صبري وتلاشت خيوط النور ................... أبعلن جنوني وش نلت من عالم العقال؟؟ . . . """" إنا لله """" ليتنــــي البارحه يـــاغالي ماسريت ................... يـــــم درج ٍ مقفل من قديم السنين أشهد اني فتحته وانتحبت و بكيــت ................... شفت ماهيض الجرح القديم الدفين شفت وسطه رساله وليتني ماقريت ................... بيت شعر قديم وظرف مع صورتين اشهد اني لغيره بـــالغلا ماعطيت ................... واشهد انه بغاني مير ما من عوين صحت من قلب ياويلي على اللي هويت ................... وقمت امسح دموعي من يسار ويمين لاطرالي حبيبي بصوت واطي حكيت ................... إنا لله .... وإنا للولي راجعيـــــــن . . . """" سنــين """" سنــــين مامرت علومه عليّـــــه ................... لا علم لا طاري ولا من مكاتيــب سنين في صبــري وحالي رديه ................... بين المحاتى وانتظاري وتعذيــب لا ليل .... لا فرحه.... لادنيا هنيه ................... يعلم بــــحالي واحد يعلم الغيب انــــا ان تحريـــت اتـــصاله عليّه ................... دقات قلبي ضربها ينفض الجيب ولو دندنــــت أساوري في يديه ................... اضم انا الهاتف واهل التراحيب هذاك لو قال الشتى،،،صيف عرقت ....................... ولوقال صيفي برد شبيت نارى هذاك لو قال الجمل طير،،،صدقت ....................... واقول ريشه بعثرته الصحارى هذاك لو قال المطر كذب،،،وافقت ....................... وادور الاعذار حق الخبارى هذاك لو قال القمر طاح،،،صفقت ....................... واقول مللته كثير المسارى هذاك لوينفى وجودى ،،،توهقت ....................... ماعاد ليه حل غير انتحارى ابا انطره وابقـــى بعده وفيـــه ................... وارفض على شانه جميع الخواطيب . . . """" يا يمــه """" يمه .... يايمه .... فديتك لاتخلينـــي ................... بعثرني الهم وأبغى يديك تجمعني يمه افهميني تراك ان مافهمتيني ................... مافيه شخص بهالدنيا بيسعمنــي ماعدت انا طفلتك .. كبرت شوفيني ................... خليك يمي ترى الا طماع تتبـــعني لا تدلليني ... . أبي منك تدليــــني ................... وابي ايديــــك تداعبني وتصفعني ولا انهد حيلي أبي عطفك يقويني ................... ياما كلامك على الشدات شجعني وان جيتك ابكي .. ابي منك تهديني ................... مابيك تبكين .. أبغى العقل ينفعني يا مملكة عطف يا عطر الرياحينـــي ................... براثن الهم والهوجاس تـــــلسعنـي بسمتك عندي الا من ضقت تكفيني ................... وارضاك عني عن الاحزان يرفعني اسمى العلاقات تربــط بينك وبيني ................... ياللي احضانك ان ضاق الكون تاسعني لك احترامي وحبي والوفا .. فيني ................... وفيك اروع الحب مايخطي ويخدعني """" البطاقــه الشخصيــه """" أنا عجوز مطلـــقة وام ورعـــــــان ................... وأيضاً مدام وبنت وآنس وعانـــس أنا بدوية وعايشه عند حضـــــران ................... وبنت البحر أبـــوي زارع وغارس أمية ماتعرف حروف وألــــــــــوان ................... وتلميذة دشت جميــــع المدارس ضفره وخبله ، عاقله،في نقصان ................... شرود وأنطح لي ثمانيـــن فارس خلونِي أعيش العبره دون عنـــوان ................... طــــــيف يمر بلا رقابـــــه وحارس . . . """" النــاس """" الناس سدّادة سلف يوم الرخا باكر يضيع ................... ما بي اسوي حاجة أصبح عليها نــــادمه أبحث بقلب التجربه وآخذ من أحداث الجميع ................... عبره تساعدني على صدمات وقت قادمه بعطي واسامح للبشر وأحسن مع الكل الصنيع ................... حتى إذا جار الزمن القى صديق انــــادمه ودي على طول الزمن أكون منديل الفجيـع ................... أحب أعمّر ما أرتضي أكون لحظة نــــادمه وما دمت أنا متعافيه وما زلت في سن الربيع ................... مهما يكن حجم العمل أرفض وجود الخادمه . . . """" ترى الذبايح """" تر ى الذبايـح واهلهـا ماتسليـــــــنى ................... انـا ادرى ان المـرض لايمكـن علاجـه ادرى تبى راحتى يابعد عيــــــــنى ................... حـرام ماقصـرت ايديـك فـى حـا جـه اخذ وصاتــــــــى وامانه لاتبكيـــــنى ................... لو كان لك خاطر مـاودى ازعاجــــه ابيــــــك بيد يك تــــشهدنى وتسقينى ................... امانتـك لا يـــجـى جسمـى الثــــلاجـه لف الكفن فى يديك وصف رجلينـــــى ................... ماغيرك احد كشف حسناه واحراجه سامح على اللى جرى مابينك وبينى ................... ايام تمشـى عـدل وايـام منــــعاجـه عيالى همى وانا اللى فى يكفينـــى ................... علمهـم الديـن تفسيـره ومنـــهاجـه ياضلع جيتك من الايام منهاره ................ ركايب الهم مرني وداسني ياضلع بالله ماتدري عن اخباره ............... هو حي .. ياضلع وإلا مخالفٍ ظني اتلا العهد فيه يوم اللعب بالحاره ................... ايام لازارني ماسولفوا عني ايام لا زارني ماينزعج جاره ................ بالعكس لا من نويت أروح فطني ايام ماحرموا شعري عن انظاره ................ بالعكس لامن تبعثر يفهقه عني ايام ماحرموا للبيت مسياره ................ ملامحي عنه ماقالوا يخبني ياضلع ... ياضلع بشرني عن اخباره .................. وعلمه ياضلع لا جاء ينشدك عني 
الموضوع الأصلي: وقفة مع الشاعرة المبدعة عابرة سبيــل رحمها الله //// جميع القصائد عابرة سبيل | | الكاتب: سعد المظيبري | | المصدر: شبكة بني عبس
|
|
|
لا هنت يا خوي راشد علي مروورك وبيض الله وجهك واشكرك علي الهتمام في الموضيعي
|
|
|
عيالى همى وانا اللى فى يكفينـــى
................... علمهـم الديـن تفسيـره ومنـــهاجـه الله يرحمه ويسكنه فسيح جناته ومشكور على النقل
|
|
|
الله يرحمهـأ ويسكنهـأ فسيح جنـأتهُ.. وشأعرٍهـ مبدعهُ..
: مشكووور سعد
|
|
|
صح لسان الشاعرة عابرة سبيل
وصح ذوقك ونقلك الرائع المميز اخوي سعد تحياتي لك
|
|
|
عابرة سبيل والذائقة السلسة المرهفة شاعرة تقتلع قلبي قصائدها واهيم بنثرها رحمه الله . . شكرا لك اخي من صميم قلبي
|
|
|
الشكر الجزيل <<< لكل من زار موضوعي ولي الشرف <<<<
ونعم الشاعره عابرة سبيل شاعره مبداعه ولها بحرها الخاص << في الشعر >>> وفي الختام < اسأل الله سبحانه وتعاله با مغفرا ورحمه لها
|
|
|
الله يسكنها فسيح جناته ويتغمدها برحمته
بيوت نبضت من شاعره وما أجمل تلك القصائد بيض الله وجهك أخي سعد المظيبري على هذا الموضوع القيم تحياتي لك
|
«
الموضوع السابق
|
الموضوع التالي
»
| يتصفح الموضوع حالياً : 3 (0 عضو و 3 ضيف) | |
| خيارات الموضوع | ابحث بهذا الموضوع |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| الشاعرة .. عابرة سبيل ... من هي ؟ | كبرياء امراة | منتدى الشـــعــــر | 12 | 04-11-2013 05:13 PM |
| الشاعرة .. عابرة سبيل ... من هي ؟ | بندرأبن طريف المظيبري | منتدى الشـــعــــر | 5 | 16-04-2011 01:18 PM |
| اخر ماقالته الشاعره الكبيرة المرحومه بأذن الله عابرة سبيل | خوي من طاع الله | منتدى الشـــعــــر | 1 | 14-06-2010 03:14 AM |
| :$: من روائع الشاعرة عابرة سبيل :$: | دايم العز | منتدى الشـــعــــر | 5 | 26-01-2008 03:48 AM |
| وصية الشاعرة الراحلة عابرة سبيل قبل وفاتهالزوجها وردعليها | مفلح السليمي | منتدى الشـــعــــر | 9 | 22-12-2007 03:41 PM |
الساعة الآن +4: 12:05 AM.
جميع الحقوق محفوظة شبكة بني عبس
