[غااالي حااايل]

اخواني حضر عندي ضيف بالاستراحه

هو الشاعر الكبير عوض بن خيران

وطلب مني ان اهديكم هذه القصيده بمنتدى بني عبس

بعنوان (( يالله بخير وحظ طيب))

اليكم القصيده

يالله بخير وحظ طيب وتوفيــــــــــــــــٌق
وخوة رفيقن مايبور برفيقـــــــه

وبيمه عن الظيقه وعن نشفت الريق
وثيقتن مبغى وراها وثيقـــــــــه

وعشيفتن ماغمزت للعشاشيــــــــــق
الراس شاب ولا لقيت العشيقــه

وللعشق والعاشق شروط ومواثيق
وللشعر طرق وللتفرنك طريقــــه

وللدرس شرح وللسريره صناديـــق
مبرمجه بالثانيه والدقيقــــــــــــــه

وابيات محتاجه لشاهد وتصديـــــــق
وابيات لاخوفن عليها صديقـــــــــه

تعرض عن الغيبه وسب المخاليق
عريقتن تسلسلة من عريقـــــــــــه

اصعد بها المرقاب واويق وتويق
ونويت اويق بكل رجمن تويقــــــــه

وان احترقت احرقت بالشعر تحريق
حريقتن تقبس وراها حريقــــــــــــه

واضحك على اللي لفق الشعر تلفيق
واسحب عليه وصيدتي بالعليقــــــه

وحقيقتن متيجيبها غير تحقيـــــــــــق
لوهي حقيقه ماتسمى حقيقـــــــــــه





ارجو ان تنال اعجابكم

الموضوع الأصلي: اخر قصيده للشاعر الكبير عوض خيران الرشيد 2/4/29 | | الكاتب: غااالي حااايل | | المصدر: شبكة بني عبس

[سالم الرشيدي]

وعليكم السلام ورحمة الله وبركاته


صح السان الشاعر الكبير عوض خيران

على القصيده الجزله

ومشكووور على النقل الرااائع

[غااالي حااايل]

ساااااااااااااااااالم



لك تحيتي



شكرا

[بحــ الخليج ــر]

وعليكم السلام ورحمة الله وبركاته


صح السان الشاعر الكبير عوض خيران

على القصيده الجزله

ومشكووور على النقل الرااائع

[حمدالعازمي]

صــــــــح الله لســــــــــــــــــانه

ولاهنت علي النقل يالرشيدي

رائعه بكل ماتعني الكلمة من معني

بيض الله وجهك

[سعد المظيبري]

صح لسان الشاعر الكبير عوض بن خيران الكريباني <<< شاعر جزل ويليت تعطيينا من جديده ولا تقاطع

وللعشق والعاشق شروط ومواثيق
وللشعر طرق وللتفرنك طريقــــه

ولا هنت علي النقل الرائع

[عبدالله المظهور]

اشهد بالله ان عوض خيران من عمالقة الشعر في العصر الحديث
ولكنه لم يأخذ حقه الاعلامي بالشكل الصحيح .

غااالي حاااايل .. نقلت قصيده جميله لشااااعر مافيه كلام .. ولا يختلف عليه اثنان .

صح لساااااااااااااااان عوض خيران

وسلمت يمينك ولا هنت .. تقبل تحياتي .

[ابو براك الرياض]

صــــــــح الله لســــــــــــــــــانه