[مشعل البغيلي]

مساء الخير

هذي قصيـدة جديدة

للشاعر المبـدع : ثامر شبيب الدقباسي الرشيدي

[ الثريا ]

الحلم تفسيره صعب تتعب مـن الحلـم العقـول=مثل السنين اللي مضت شفهـا هذيـك أطلالهـا
والناس من خلقت وكل واحد ولـه راي وميـول=لا تزعـل مـن البارحـه قـول الوعـد بقبالهـا
بقول لك حاجه وابـي منـك لحسـادي تقـول=وان كان ما تقدر تقول قـل ثامـر اللـي قالهـا
من جيت للساحة وانا واصل ولا بحاجة وصـول=قصايدي توصـل ولـو قلـت دروب اوصالهـا
قصايدي ارضت لها ناس وزعـل منهـا زعـول=قصايـدي أبكـت قلـوب الله عليـم بحالـهـا
قصايدي خلت لها شيخان مـن بـاب الفضـول=تسأل عن اسمي وحالتي احساسـي شاغـل بالهـا
كم بنت ابوها ما عرفت اسمي عطت شعري قبول=ابيـات شعـري مخزنـة فـي محفظـة جوالـهـا
ما هو غرور ولا كبر بس انزعجت مـن الطبـول=اللـي تـدن اطبولهـا وشعارهـا تـبـرا لـهـا
يبقى الصحيح هو الصحيح الروس ما تتبع ذيـول=وجه الرجـال وقدرهـا يحسـب بقـد أفعالهـا
والبارحه يوم اقصرت عني وأنـا كفـي تطـول=علمتهـا لا تقـتـرب بقصـارهـا لطوالـهـا
سقت الحمول اللي اشتكى من حملها طير وذلـول=ما خفت من غدر القلوب اللـي غـدرت بعيالهـا
اصول فالساحه وأجول أجول فالساحه وأصـول=مـا همنـي لاجدهـا ولا عمـهـا ولا خالـهـا
انا كذا من الله خلقني ما عرفـت درب النـزول=عودت رجلي للصعب صار الصعـب يحـلا لهـا
هذا وأنا لحالي اجل وشلون لـو جيـت محمـول=شفت الثريا لـو أصيـح لعبـس راح أرقـا لهـا
ربعي ليا صكت علي يبكي على الحكـم معـزول=لي لابتن من دون قاصـر مـا نشـرب فنجالهـا
بني رشيد ليا اصطفق موج البحر سالـت سيـول=يا سعد عين أم الضعيـف اللـي تكـون بجالهـا
يوم انها بالسيف والشلفا علـى ظهـور الخيـول=كـم مـن قبيلـة طيبـه امسـت بـلا خيالهـا
يـا مـا عفينـا لخاطـر العقـال زلات مهبـول=ندمـح وعقـال المهـبـل تلـفـت لهبالـهـا
لكن ليا منا بطشنـا بطشنـا مـا هـو معقـول=نندعـس علـى روس المهبـل ورقبـة عقالـهـا
قلته وانا ماني بمن قـوم ابهتـه بحكـي معسـول=مـن روس قومـن اثبتـت افعالـهـا اقوالـهـا
اكرم الطيب ولا تسـوى الفحـول الا الفحـول=مـا تلحـق الشكـه فحـل بدقاقهـا واجلالهـا
اما الـردي اجنبـه مـال الخبـول الا الخبـول=مثـل المـره مالـي حكـي الا مـع رجالـهـا
بعض الرجال ليا مشى ويـاك خـذ ويـاك زول=بعض النسا تومـي عليـه ليـا وقـف واومالهـا
يعجبك في زوله ولكن بالفعـل مـا مـن فعـول=يا كثرها افعال الرجال اللـي خدعتـك ازوالهـا
استغفر الله ونعمتك يـا الله عساهـا مـا تـزول=لـو النعـم فـي يـد غيـر الله علينـا زالـهـا
يالله ياللي ترمـي اللقمـة علـى فـم معقـول=تغنيـه عـن مـد العـرب اجوادهـا وانذالهـا
انـك تسامحنـي اذا زليـت فـي قـوة وحـول=انا الضعيف اللـي تـرك نفسـه علـى موالهـا
كل ما ذكرت ان البدو كانت من اصحاب الرسول=استغـرب ان التفرقـة كيـف اقـدرت تغتالهـا
ويا صاحبي كثر الحكي ضيق على الصدر الملـول=هـذي البـلاد ان ظامتـك دور ابـلاد ابدالهـا
هذا بخصوص الشعر حمل اخذه وباقي لك حمـول=مثلك حمولـه كـل مـا زادت نهـض واشتالهـا
واذا خلصت من الشعر حول على اللي ما تجـول=الا بصـدري يـوم صـدري بيتهـا وظلالـهـا
سولف لها عنـي تـراه لسانهـا طبعـه خجـول=اقـرا كـلام عيونهـا وجـاوب علـى سؤالهـا
اذا اسألت عن عهدنا بنـت الاكابـر والاصـول=قل شاعرك ما صافـح كفـوف الرجـال لمالهـا
واذا اسألت عن حالتي طمنها كـان انهـا جفـول=قل حالتي في خيـر دام انهـا فـي خيـر احوالهـا
واذا اسألت عن الوصل تبغى من يديـك الحلـول=قل شهـر كـان الله كتـب لازم اكـون قبالهـا
واذا اسألت عن الشعر تبيك من شعـري تقـول=قل هذي اخر ما كتب من قلـب صـادق قالهـا

الموضوع الأصلي: ][ شفت الثريا لـو أصيـح لعبـس راح أرقـا لهـا ][ | | الكاتب: مشعل البغيلي | | المصدر: شبكة بني عبس

[العريض]

مساء النور

مشعل البغيلي


صح لسان الدقباسي

لاهنت على القل المميز تحياتي لك

[عبدالعزيزعلي]

:
الله الله
قصيده في منتهى الروعه
ابداع جزاله والله مادري شاقول
صراحه يعجز التعبير يوصفها
صح اللسان الشاعر /ثامر شبيب
:
يعطيك العافيه اخوي مشعل البغيلي
على أختيارك ونقلك الرائع
:
تقديري
أخوك
عبدالعزيز
:
:

[سعد الفلاح]

صح اللسان الشاعر المبدع ثامر شبيب على هذه القصيده الأكثر من رائعه

وألف شكر لك مشعل على هذه النقل واتمنى انك ماتحرمنا من جديدك

ولكم مني اجمل تحيه واعذب سلام

مـغــلــيـــكـــمـ
سـعـد الـفـلاح

[فهد المويسه]

صح لسان ابو شبيب

وقصيده رائعه وجزله من شاعر جزل

وصح لسانك على نقلها والله يعطيك العافيه

وتقبل سلامي

[بنت العبسي]

ابداع × ابداع × ابداع

بيض الله وجهك ع النقل الرااائع

والله ثامر مايحتاج شهادة قصيدة وحروفه وكلماته واحاسيسه

اللي يحملها في قصايدة هي اللي تشهد له الله يحميه


:

.

[ابوفيصل]

مشكور الله يعطيك العافية اخوي مشعل


وصح لسان الشاعر ثامر شبيب الدقباسي الرشيدي

وننتظر منك المزيد

تقبل تحياتي وحترامي

[مرزوق العجوني]

صح لساااااان ابو شبيب ولا هان على الرائعه

والا هنت على نقلك للقصيده

تقبل مروري