[محمد السنيني]

عادل الذيابي شاعر لايعزف الى بنغمة الابداع
غاب ونتظرناها وعاد من جديد واليكم الجديد

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
طال السكوت .. وظاق صدر السواليف=والبال .. من كثر الهواجيس عايف .!
والليل طااال .. وطارق الصبح ماشيف.!!=وانا .. وصمت الحزن .. صرنا ولايف
اسج .. مع هجس الطواريق .. واعيف=هجسي .. وطاروق الضلوع النحايف .!
تجوع .. سلمى .! واترك .. الكم .. والكيف !=واقسم .. رغيفي بيننا بالنصايف .؟
اقرأ .. وتكتبني .. قضيه , وتعريف=وتظمى . وتشربني .. نحيب , وذرايف !!
صمت الشعور .. احساس .. ماله تواصيف=أكبر من حروف الحكي , والوصايف ..؟؟
يا سيف كيف اشرح لك الوضع يا سيف ؟؟=اقلامنا جفت ورفعت صحايف .!!
كيف ابتدي يامسندي .. وانتهي كيف ؟؟=من دون كيف ؟ انا مثل مانت شايف .،!
شفني بقايا انسان والوقت كالسيف .!=وحظي كفيف ..! وفرحتي .؟ حلم زايف !
همي بحر .. وضلوع صدري .. مجاديف=والعمر مركب .. بين الأمواج طايف .!
وقلبي وطن .. وعروق قلبي تجاووويف=للحزن .. وهمومي .! شعووب وطوائف ..!
صوعات بقعا .. والقدر .. والصواديف=ورتني اهوال السنين العجايف
أتبع .. "خريف العمر" في رحلة الصيف ..!=وازحف .. على حد السيوف الرهايف ..
الليل .. مفتاح السهر والتكاليف=والصبح .. مفتاح القهر والحسايف
والصبر .. مفتاح الضلوع المناحيف .!=والحزن .. مفتاح الجروح الرعايف !!
والمصلحه .. مفتاح باب المواقيف=والواسطه .. مفتاح باب الوظايف ..!!
والفقر .. يفتح للوجيه المصاليف=باب الصلافه و الضعايف ضعايف
لاصار لك حاجه ولالك معاريف=بشت القناعه ‏........,.......,... .!
ان قلت لك خايف ! ترى ماني ضعيف=ولاني شجاع !! ان قلت ماني بخايف ؟
ياسيف وش عذر المعازيب للضيف ؟=لامنها ضاقت صدور المضايف .!
قل للسوافي لوتهب العواصيف=عنها رقينا عاليات النوايف ..
تسفي وحنا فوق روس المشاريف=في راس نايف .. والخلايف .. خلايف
وقل للضعوف اللي تحسب المصاريف=حنا ترانا ماحسبنا الكلايف
لوشحت .. يدين الزمان .. المناكيف=نبقى على .. عهد الوفا .. مانزايف
وان طال .. بال الليل .. قل للسواليف=بوح السهر من ظيقه الصدر عايف ..!
[/POEM][/POEM]


عادل الذيابي

الموضوع الأصلي: عووودة عادل الذيابي | | الكاتب: محمد السنيني | | المصدر: شبكة بني عبس

[عادل بن هون]

روعه يامحمد

اتشرف ان يتوشح توقيعك بيت لي

مشكوووووووووووووووور

[العريض]

صح لسان الشاعر عادل الذيابي

يعطيك العافيه اخي الغالي محمد السنيني

على النقل الرائع لاهنت

[محمد السنيني]

اقتباس من مشاركة حجاج العريض صح لسان الشاعر عادل الذيابي يعطيك العافيه اخي الغالي محمد السنيني على النقل الرائع لاهنت

شرفني مرروركـ اخوي حجاج
ولاكني عليك زعلان"""""ليش مارديت على الرسالة

[محمد السنيني]

اقتباس من مشاركة عادل بن هون روعه يامحمد اتشرف ان يتوشح توقيعك بيت لي مشكوووووووووووووووور

ااااااااااااااااهلين اابومباركـ انا الى اتشرف فيك وبمروورك

[مسندالعويمري]

[grade="00008b Ff6347 008000 4b0082"]صح لسان الشاعر عادل الذيابي

يعطيك العافيه اخي محمد السنيني

على النقل الرائع لاهنت [/grade]

[العريض]

اقتباس من مشاركة محمد السنيني شرفني مرروركـ اخوي حجاج ولاكني عليك زعلان"""""ليش مارديت على الرسالة

معك حق يامحمد بس انا وضحت لك من قبل والرساله اذا موجوده ابشر من عيوني

[محمد السنيني]

اقتباس من مشاركة حجاج العريض معك حق يامحمد بس انا وضحت لك من قبل والرساله اذا موجوده ابشر من عيوني

مااقصد الرسالة الاولى انا ارسلت بعدها رسالة ثانية ولاكن طاح الحطب