[محمد دهيم ابن حماد]

واتل قلبي ياابو ماجد من اقصـاه=تل الرشا من فوق سطح المحالـه
يتلـه الـي كـل هـم ٍ تظـواه=مضمي ومنحي عن حلاله ومالـه
عود ٍ كبيـر ولاحصلـه مراعـاه=وعنه مقصرتن مراجـل عيالـه
على الذي جابو مجالـه وطريـاه=عن طيب جده يوم جابو مجالـه
وخذتلي ساعه وانا بسيم ذكـراه=متكيفن مـع سيرتـه والسلالـه
جابولي اسيره من قصاه لقصـاه=وادناه عنـدي حافظـه بكتمالـه
أثريه من بيتٍ على العـز مبنـاه=منها الشكالـه تحتظنهـا شكالـه
لاواهني من حـط كفـه بيمنـاه=ولا واهني من وسط بيته دعالـه
على كتاب الله وشرعـه ومبـداه=وسنة نبينا الي صدق باالرسالـه
بنت الشيوخ اللي لها الوجه والجاه=طيب وكرم من جالها طاب فالـه
هـذا ولـو ماحركـه ماكتبنـاه=لو مادري باالشعر واللي درالـه
قلته وقلبي من دفع له من قصـاه=وعندي ثقه باالنفس لالـي ولالـه

الموضوع الأصلي: بنت الشيوخ | | الكاتب: محمد دهيم ابن حماد | | المصدر: شبكة بني عبس

[كهل الصباء]

(عود ٍ كبيـر ولاحصلـه مرعـاه=وعنه مقصرتن مراجـل عيالـه)
هذا البيت مكسور أو خطأ مطبعي بكلمة <مرعاه>.

وخذتلي ساعه وانا بسيم ذكـراه=متكيفن مـع سيرتـه والسلالـه
كلمة <بسيم> هنا لا أيد أستخدامها يستحن استبدالها.

على كتاب الله وشرعـه ومبـداه=وسنة نبينا الي صدق باالرسالـه
كلمة <نبينا> هنا مثقلة البيت أرجوا منك حذفها واستبدال اللفظ.

بنت الشيوخ اللي لها الوجه والجاه=<طيب وكرم من جاله طاب فالـه>
مكسور.

قصيدة عادية أرجوا من شاعرها الاجتهاد مع احترامي له.



ودمت بووووووود

[مرزوق العجوني]

صح لسانك يابن دهيم وتقبل مروري

[الراوي العبسي]

صح اللسانك قصيدة رائعه تستحق الوقف عندها

[محمد بن شقاما]

قلته وقلبي من دفـع لـه مـن قصـاه
وعنـدي ثقـه باالنفـس لالـي ولالــه
(كل الشكر والاحترام لشاعرنا بن حماد وننتظر المزيد والجديد)

[محمد دهيم ابن حماد]

مرزوق العجوني صح بدنك

الراوي العبسي مرور ك يسعدني

[مقرن خضران]

تسلم محمد علئ القصيده
انا اقول غير مكسوره وحاليه من الكسر لكن خطا مطبعي احتمال
بنت الشيوخ الي له الوجه والجاه
طيب وكرم من جالها طاب فاله
اخي كهل لايوجد كسر كلمة الوجه ضع لها حرف اليا بعض الكلمات بالابيات لاتكتب حروفها تنطق وهي ماتكتب

[أحمد بن حماد]

جابولـي اسيـره مـن قصـاه لقـصـاه
وادنـاه عـنـدي حافـظـه بكتمـالـه
أثريه مـن بيـتٍ علـى العـز مبنـاه
منهـا الشكالـه تحتظنـهـا شكـالـه

صح السانك قصيده جزله من شاعر مبدع في ماااايكتبه
لك تحياااااااااااااتي ؟؟؟؟