[عنى]

اللي يخلي صاحبه دون زله=قالوا يخليه الزمن ماله اصحاب
والصاحب اللي فيه ما طعت لله=اليوم صرنامعه باعداد الاغراب
يا صاحبي كان ان قربي تمله=ما هوضروري لازم عندي احباب
خلاص ماابغى ازود الطين بله=أنا انتهيت وجرح الاحباب ماطاب
ياشينهافرقا الخوي دون عله =ياشينها فرقإمطانيخ الاشناب
صاحبك لا شفته نوا البعد خله=ما يتبع المقفين يا غير الاذناب
غير على طول اتجاهك وزله=وقله لحالي جيت في وقت الانجاب
وأبعد عن اللي به يذكرك كله=وليا ذكرته قل خساره يا الإصحاب
وان شفت قلبك ما يغير محله=وباقي له بقلبك محبة وترحاب
ادع له بالرحمه قل الموت شله=وأبعد لحالك واسكب دموع الاهداب
وليا شبعت من البكاء والتوله=قل يا فوأدي خابرك دوم ما تهاب
واصبر على هالحال شهرين كله=وأنا لك اضمن بعدها ماله احساب

اتمنى ان تعجبكم

الموضوع الأصلي: اللي يخلي صاحبه | | الكاتب: عنى | | المصدر: شبكة بني عبس

[المتابــــع]

شكراً جزيلاً لموضوعك القيم...

تحياتي وتقديري

المتـــــــــابع

[فيصل الرشيدي]

يعطيك العافية

[الاجهر]

تسلم علي
صح لسانك

[النابغه]

صح لسانك قصيده جميله

[صالح سعود]

عنى




بيض الله وجهك على القصيدة الرائعة


تقبل تقديري الخالص

[بندر الذيابي]

صح الله لسانك


قصيده جميله للغايه



ننتظر جديدك اخوي



دمت بود


بندر الذيابي

[مبارك الشويلع]

رحمك الله

ياعبدالعزيز الذيابي

عـــنـــى


رحمة واسعه

وادخلك فسيح جناته

اللهم امين