[معيوف ابن زهيميل]

اخواني بشبكة بني عبس إليكم قصيدة الشاعرناصر الشويلعي وردي عليه، لعل ان تلقى الاستحسان منكم:

الصديق اللي منول تغير يامعيوف=دورة الايام تخلف هقاوي من هقا
ماعلى الدنيا واهلها يابوصالح حسوف=يوم ماتمشي معانا على وضح النقا
والحيل والكذب والحسد من طبع الضعوف=الوجيه اللي عليها غبار ٍ ومحقا
الزمن قدم شداده لراعين الردوف= وانزلوا في منزلة غيرهم هو وش بقا
راحت ايام الشجاعه وتخضيب السيوف= وراعي الاموال هالحين للعليا رقا
لو دخل في مجلس ٍ كلهم قاموا وقوف= ياكثر ناس ٍ تحبه واله ناس صدقا
والشجاع اللي منول يحدنه ظروف= لويبيها صعبت اليوم ياعيون الشقا
وانت شفت بعينك وفيه غيرك من يشوف= مثل ماقال المثل من يدورها لقا
وانت شاعر تفهم العلم ورموز الحروف= بيني وبينك معرفه على وضح النقا
والسلام ختام والثانيه لا ماتطوف= لو مرارتها على مايقولون علقا

الرد على الشاعر ناصر الشويلعي:

الصديق اللي تغير بلا ذنب امعروف=أنت عارفٍ الزمن يتركه دون إرفقا
ماسَلِمْ عودٍ بشجرة من أحداث الصدوف=غير.ماالله من صواديف هالدنيا وقا
رحت اطالع بالأصابع واطالع بالكفوف= واستعيد الذاكره يوم يجْرون اللقا
مالقيت ألا المحازم على أبطون الصفوف= سم الأفاعي لعطشان أعاديهم سقا
والزمن مشروك. في خيط قطن وخيط صوف=والفناء لأبناء بنادم ولله البقا
والموفق من بذل جهد في شيء امخلوف=وأزكى الأشياء كلبوها التزوّد بالتُقى
ياابو خالد ماعليكم ملام ولاش خوف=كل مايحصل مقدّر.ظهر وألا التقا
والمقاصد واسعه. ليش ممنوع الوقوف؟= والمعرفه عز وأجمل رحابه بالنقا
وأنت تذكر يوم ترسل عليه في قطوف= وطلعت بالمختلف صورتي بالملتقى؟
مار ضيفٍ ما استحى شيّمه ضمن الضيوف=واسترْ أحوال العواني ونقص الاصدقا

وسلامة الجميع
معيوف ابن زهيميل

الموضوع الأصلي: الرد على ناصر الشويلعي | | الكاتب: معيوف ابن زهيميل | | المصدر: شبكة بني عبس

[فهد المويسه]

صوت وصدى رائعين من شاعران كبيران

صح لسانكم وبيض الله وجيهكم

وتقبلوو سلامي

[مبارك الشويلع]

السلام عليكم

صوت وصدى رائعين من شعراء كبار

صح لسانكم وبيض الله وجيهكم

ننتظر جديدكم الجزل المفيد

وتقبلوو سلامي مع فااااااائق احترامي وتقديري

[خلف العايضي]

محجوز يابن زهيميل

[سعد الرشيدي]

صح اللسان ابو خالد

وصح اللسانك ابن زهيميل

على هالردية الرائعه

[سعد بن عادي]

صوت وصدى لشاعرين معروفين


بيض الله وجيهكم


وصحت اللسانتكم .


ودمتم كما تحبون

[أنكسارحلم]

والمقاصـد واسعـه. ليـش ممنـوع الـوقـوف؟=والمـعـرفـه عـــز وأجـمــل رحـابــه بـالـنـقـا
وأنـت تذكـر يـوم ترسـل عليـه فــي قـطـوف=وطـلـعـت بالمخـتـلـف صـورتــي بالملـتـقـى؟
مار ضيفٍ ما استحى شيّمه ضمـن الضيـوف=واسـتـرْ أحــوال العـوانـي ونـقـص الاصـدقـا

صح السانك يابو صالح على هذا الرد الوافي من رجل وافي
والحقيقه اني وجهت القصيدة الى شاعر يفك الرموز المغراه
في اسلوب قليل من الشعراء يجيد فكها ويفهم معناها ..
بيض الله وجهك وطول الله عمرك..

[مرزوق العجوني]

صح السنتكم ولا هنتوا على الروائع وتقبلوا تقديري