[فيصل الرشيدي]

اعزائي الاعضاء

اقدم لكم هذه القصيدة واتمنى ان تنال اعجابكم

وهي للشاعر القدير / عواض عايض العويمري الرشيدي

لا واعذاب العين ما نامت العين=العين صارلها عن النوم مده
صرنا يا ابوتركي جنودٍ مساكين=دايم من الذله وهي مستعده
ان ما استلمت الباب عند المساجين=هات السجين وخذ كلبشه ووده
لا حاصلٍ راحه ولا راتبٍ زين=يا ليت قسط البنك نقدر نسده
خدمة ولا تسوى التعب والديايين=لو سلموني راتبي لا تعده
ما زاد عن حماد يحتاشه الدين=راحت خساره خدمتي والمكدة
والعسكري مسكين وان غاب مسكين=والي مثل حالي ظروفه تحده
ان قلت ابي رخصه يقولون بعدين=واشتال معروضي بجيبي وارده
عريفنا ما يفيد لو انه زوين=والاجودي يا ليت نفعه يسده
وانا على هالحال ما اعيش شهرين=حماد ما بيني وبينه موده
وضع العمل يا صاحبي مزري وشين=ولا عاد لي عن جاهك اليوم صده
انته من رجالٍ على الطيب ناشين=الي لهم في مدت الطيب مده
ما هي خساره تاج مع نجمه يمين=سعود كانه علق التاج قده
شف لي طريقه معك ليوم الاثنين=اما تفك الباب والا تسده

الموضوع الأصلي: معاناة عسكــــري للشاعر عواض عايض العويمري | | الكاتب: فيصل الرشيدي | | المصدر: شبكة بني عبس

[مرضي الداموك]

ان قلت ابي رخصه يقولون بعديـن=واشتال معروضـي بجيبـي وارده

لاهنت على النقل يافيصل وصح لسان الشاعر



تقبل تحيتي

[سعد الرشيدي]

قصيده رئعه

صح اللسان الشاعر

واشكرك فيصل على النقل

اخوك سعد

[بندر الذيابي]

صح الله لسان الشاعر


وسملت يمين ناقلها



مشكور اخوي فيصل علي الاختيار الرائع



اخوك


بندر الذيابي

[جبل أثقب]

صح اللسان الشاعر والناقل
اكيد انه من القديمين في
العسكريه

[فيصل الرشيدي]

اقتباس من مشاركة مرضي الداموك ان قلت ابي رخصه يقولون بعديـن=واشتال معروضـي بجيبـي وارده لاهنت على النقل يافيصل وصح لسان الشاعر تقبل تحيتي

ولا تهون اخوي مرضي

وصح بدنك


وتسلم على المرور

[الهنوف]

صح لسان الشاعر ولا هنت اخوي على النقل الرائع ووفقك الله...

دمت بخير
اختك الهنوف

[ابوعبدالله الشويلعي]

صح لسان الشاعر






فيصل مشكووووووور على هذا النقل الرائع


قصيدة جميلة وروعة الله يعطيك العافية









تقبلوا تحياتي أبو عبدالله الشويلعي