[عبدالله منور]

السلام عليكم ورحمة الله وبركاتة

,

,



لــِ نتمتع معاً بــِ أنفاس سيف الشعر .. وزعيمه : مساعد الرشيدي



( كثـــير النور )

قلـل عتابـك ياكثيـر النـور

مضناك مايقوى علـى عتابـك

واللي نظـم بشفاهـك البلـور

والهمني القمرا مـن خضابـك

واستخلصك من خايع ممطـور

واستامن الغيمه علـى اهدابـك

مايشبهونـك ياشبيـه الحـور

وش جابهم يمـك وش جابـك

ماللقصايد فـي حضـورك دور

ومالليالـي طـعـم بغيـابـك

الشعر والله شعـرك المنثـور

والــورد والله ورد عنـابـك

كان الهـو زلـه فنـا معـذور

كثّـر مـن الـزلات باسبابـك

ون كان ماغير القصيد قصـور

الشعر0 والشاعر0 على حسابك

::

::

الموضوع الأصلي: أنفاس مســاعـــد .......(قصائد ) ., | | الكاتب: عبدالله منور | | المصدر: شبكة بني عبس

[عبدالله منور]

( وش يبقـــالي )

صوتك اللـي بقالـي مـن ليالينـا

عاد لو غاب صوتك ويش يبقالـي

صوتك الموج والمجـداف والمينـا

صوتك الناس لوني في خلا خالـي

صوتـك الذكريـات اللـي اتدفينـا

كل ماهـل شفـت العيـد يبدالـي

صوتك بعيد مثـل البعـد يطوينـا

صوتك اغليه ... صوتك يابعد حالي

من غروب الكلام لشـرق اسامينـا

ياحبيبه وصوتـك عنـدي الغالـي

سولفـي ... لعنبـو هـمٍ يبكينـا

انت اقصى مدى الهقوات والتالـي

مالهـا حـد شرهتنـا وامانيـنـا

والمسافات قشـرى مالهـا والـي

يقبـل الليـل لامـرفـأ ولاميـنـا

عاد لو غاب صوتك ويش يبقالـي

::

::

[عبدالله منور]

( عــزة النفــس )

ينجرح قلب.. لكن ترتفـع هامـه

والله اني لاموت ولاانحنى راسـي

لو رماني زمانـي وسط..دوامـه

العواصف شديده .. والجبل راسي

أنقل الحزن وامشي منتصب قامـه

قاسي الوقت .. لكني بعـد قاسـي

واسمع الحلم يصرخ لحظه اعدامه

رابط الجاش ... ماهز الخبر باسي

عزتي غاليه ..والنـاس سوامـه

قلت ماابيع حتى تقطـع انفاسـي

زانت ايام عمري .. شانت ايامـه

مارجيت العزى من رحمة الناسـي

من عجز لايدوس الهـم باقدامـه

لازم انـه مـع الايـام ينداسـي

يندمل جرح القلب ..ماتت احلامـه

بس ما اظن يبرى جرح الاحساسي

يوم صارت مابين القلب والهامـه

وش ابي بالحياة الياانحنى راسـي

::


::

[عبدالله منور]

( مرابــع الصبــا )

تذكرين الغـلا والصيـف والسـوده

لمـة البـرق ..والخلان..والـرعـد

تذكرين القصيـد ..وسلهمـة سـوده

واحـد كـان مامثـلـه ولاواحــد

تذكري ..غيرته..ورضاه..وصـدوده

!!تذكرين المطر ..والشعر .. ومساعد

عاشقك جا يقـود الشمـس وتقـوده

دفتـره ياسميـن ..وغيمتـه ناهـد

شاعر من عيونـك يطلـب الـزوده

جـا يجـدد قديـم الولـف ويعاهـد

سودة أبهـا يديـن العـذر ممـدوده

حجتـي ماتبـي قاضـي ولاشـاهـد

يـوم فتـك لصـدر الغيـم مشـدوده

وردةٍ تستغيـث وعطرهـا سـاجـد

خذت ضيم الضباب اللي ثنـي عـوده

ماتـرك لـي قليـل ولاتـرك واجـد

يكفي انـك علـى ثنتيـن محسـوده

بنت عم السحاب ..وشاعـرك خالـد

::

::

[عبدالله منور]

( العبسيـــة )

أدخل على الله وأسلم الامر تسليـم

واستغفرة واستذكـرة واستميحـة

وضح النوايا والمسـاري مجاهيـم

والحلـم غالـي واليالـي شحيحـة

سـادت مفاهيـم وبـادت مفاهيـم

ويح الزمن يابنت الاجـواد ويحـة

خلي علـوم أمسسيـن المرازيـم

واخذي علوم مصمصمين القريحـة

حنا طنايا عبـس يامذيـر الريـم

حنـا مقابيـس الوغـى يامليحـة

حنا سلايـل قاسـم الخيـل ودليـم

وفزعاتنـا يـوم المكايـد رجيحـة

بدو حفايـا مانصفتنـا المقاسيـم

وبصدورنا عـز تطـارخ فحيحـة

نرعى رفيق البرق في ساقة الغيـم

ومن يستبيـح حدودنـا مانبيحـة

ولا ياترع في هرجتة دفش وبهيـم

خطو الهبود اللـي تكابـر فطيحـة

عن ساقط الهرجة نطـق الملاطيـم

ومن طاح فيها مارحمنـا مطيحـة

نكبر عن الطفسة ونجزع من الضيم

ونموت ما ناطا شليـل الفضيحـة

نزوم زومـات الرجـال المحاشيـم

ونهـد هـدات النسـور الجريحـة

ربـعٍ علـى در المنايـا مفاطيـم

من هازنا زاغت عجوزة تصيحـة

اليـا تغشلينـا عسيـر الشغاميـم

لومك على اللي مايبرهـن مديحـة

وان لولشـن محشمـات الملاثيـم

والموت حثرب بالحناجـر ضبيحـة

جينا من أقصانا سحايـب مراديـم

كل يذكـي حروتـة عـن نطيحـة

يازيـن دح قفوشنـا لـه ترانيـم

والعج واقـف والفعايـل صريحـة

كان المنايا سوقهـا مابعـد سيـم

والخوف برك بالقلـوب الكسيحـة

حنـا زباينهـا علـى المـلازيـم

علمـا يقريـة النصيـح لنصيحـة

واللي بنـى بيتـة نبيـة إبراهيـم

أنا طريـق المستميـت لضريحـة

بني رشيد إن عتم الجو الجو تعتيم

ماللـردى فينـا ملامـح وليـحـة

أجسر من الرعاد واكرم من الديـم

سمرالجباه اهـل الوجيـة الفليحـة

خوينـا نقريـة عـزة وتحشـيـم

دخيلنا دونة عن المـوت صيحـة

يابنـت ماحنـا فـقـارا معـاديـم

لوماسكنـا بالقصـور الفسيـحـة

تجار لـو حاشـت يدينـا ملاليـم

ومـن الغنـاة قلوبنـا مستريحـة

مانستضيـق ليالفـونـا معـازيـم

لضيـف لونذبـح حدينـا ذبيحـة

دايـم أيدينـا للعطـايـا موالـيـم

ليا خانت الفزعـة وجيـة كليحـة

طال القريض ومقبل الـود ومقيـم

والبـال عيـا طارقـة لايريـحـة

أقولها وأبصم على القـول تبصيـم

والعلم بين زايفـة مـن صحيحـة

ماهو قصور بالحـرار الصماصيـم

كل بدرب العـز كـد هـب ريحـة

مدحـي لربعـي مايـذم الاكاريـم

ولا يستشك الا خبيـث الشريحـة

والحق واضـح لرجـال المفاهيـم

والحقد يخرث بالنفـوس القبيحـة

والشر من جيت مع معزي وهو نيم

واليوم وحدة والشريعـة سميحـة

::

::

[عبدالله منور]

( يـــابــوي )

يابوي لايلحقـك شـك ٍ ولاريـب

انفض هجوسك ورفع الراس عالي

أناشبابك لاغزى راسـك الشيـب

وانـا عضيـدك لوتجـور اليالـي

أي والله ابشر يارع الطيب بطيـب

والله لسدك لـو يضيـق المجالـي

أمر وتحت امرك تهون المطاليـب

أنخـا وتلقانـي قريـب مـوالـي

أجيك كلي ماخشيـت المصاعيـب

لي طبت تكفا يايبـة طـاب فالـي

ان عاش راسي ياعزيز المجاذيب

لشيل حملـك لويفـوق احتمالـي

واطفي ضماك ان حثربن المشاريب

واسقيك من زندي قـراح زلالـي

ولايهمـك ياكـريـم المواجـيـب

يفـداك حالـي يايبـة والحلالـي

أبشر وذيبك يارفيع الشرف ذيـب

يابـوي دام تشوفنـي لاتبـالـي

[عبدالله منور]

( كلك غــــلا )

كلك تعالي غلا ... والاارجعي كلـك

بعض الغلا منك مايستاهـل الجيـه

طالت وانا في رجـا ليتك..وياعلـك

أوراق بالذاكـره ..واوراق منسيـه

مابل ثوبك مطـر شوقـي ولابلـك

لوعلتك من سحاب الروح وسميـه

ليه امشي الدرب دامه مايوصل لـك

تخاف رمضا الضياع اقـدام رجليـه

يابنت تو الهوى ماصرت انا خلـك

للحين .. مازالت الصـوره رماديـه

ومازال بغض الغموض الشره يحتلك

وشلون انا اعشقك واحبك على النيه

اشوفك هنـاك قدامـي .. ولاادلـك

صعب الكتابه ليا صار الورق ميـه

إن كان شمسك تساومني على ضلك

ماعاد ابي منك لا شمس .. ولافيـه

اما تعالي لقلـبٍ .. فـز لـك كلـك

والا اتركيني ما ابي لك بالهوى جيه

::

::

[عبدالله منور]

( جـيــتـك بــقــايــا )

جيتك بقايا حي كـل اكثـرة مـات

وصلت لك با اخر رمق من حياتـي

جيتك خوي الخوف في رحلة الذات

بين الرجـا وظروفـي القاسياتـي

جيتك من الفرقـا كثيـر التلفـات

جيت انتحر في نجلـك الناعساتـي

جيتك مزيج جروح ودموع وأهـات

- نديم لعيون الاسـف والشماتـي

جيتك شظايا تشتعل شوق بسكـات

ما ادري حزن مدري سعادة اسكاتي

جيتك لوانتي سابـع المستحيـلات

- اللي يحبـك يصنـع المعجزاتـي

جيت استجيرك من شمس المتهات

عيـت تظللنـي تحتهـا عبـاتـي

واب... أتعفى عقب عذاب المعاناة-

على رصيـف اشواقـك الدافياتـي

تلقفينـي مـن ايديـن التشـتـات

صيري بحلاة الروح قارب نجاتـي

هلى غلا يمحى كـدر كـل مافـات

يامزنت افراحـي ومنبـع هناتـي

::

::