[سعد المظيبري]

تداعي ياهجوس الشعر لامنه دعـاك الـداع=كنوز ممتلكها فـي الحشـا مانيـب خازنهـا
اجمل لابتي فالمحتضـر بالجـزل والابـداع=عقود الدر واللولـو مـن الافكـار اكونهـا
اعيف السهل واعشق كل قاف لادعي ماطاع=واجيب المفردات الـي تسلـي مـن تمعنهـا
طرات الشعر معنى مبتكر تطرب له الاسمـاع=تسج الناس معه من الظروف الـي تزامنهـا
وبعد شبه انقرض جزل القصيد الحر بالاجماع=واراضيه جدبت واعيونها غـارت بباطنهـا
ولاعاد امطرت بالماء سماه وخابت الارمـاع=بعثها اموات الاشعار الجزيله مـن مكامنهـا
بعثها الي لصعبات الامـور الكايـده طـواع=محمد مأسس النهضـه ورايدهـا وصاينهـا
محمد يحمده مستنجده مـن جايـر الاوجـاع=كريـم مدتـه شمـخ جبـال الفقـر تدفنهـا
جزيل المد سقم الضد نور البدر فوق القـاع=قــوي العزم راعي الهزم والرحمـه بموطنهـا
ملاذ اللاج والمحتاج باهـج مهجـة المـلاع =يضو الروس فوق وروس من العالي يطمنها
شبيه الليث غيث المستغيث معدل الاوضـاع = شياطين البشر في حضرته تتـرك تشيطنهـا
نسل زايد حكيم العرب دمث الخلق واف الباع = عسى قبره تعلـه غـر الامـزان بغشاينهـا
تفكر وافتكر فكرن بكـر ماقـط قبلـه شـاع =غفال ماعليها قبـل وسمـه وسـم يرهنهـا
وتخير له رجال مامشت بالغـش والاطمـاع =ذممهم مع ضمايرهم نزيهـه تنطـق السنهـا
فهام بالطروق ويقنعـون مخالـف الاسنـاع = اليامن جـاب لـه منظومـة تفقـد توازنهـا
واذا تاه الدليل وضاع رايه رايهـم ماضـاع = بنادقهم علـى النيشـان مايخطـي مقننهـا
هذا القول الصحيح الواضح اللي ماعليه قناع= سما فوق البرامج شاعر المليـون واحزنهـا
ولو كثروا نواقيده علـى التلفـاز والمذيـاع= دروب الانتقـاد ثنيـن محـد ظاهـر منهـا
الاول ينقده حقد وغرور وغيض واستلكـاع = وياتـي لـه بحجـه مالهـا شـي يبرهنهـا
والاخر كالنبات الي لنـور المشرقـه تبـاع =صبغته بالسواد وهـو بـلا جـدوا يعاينهـا
روابع والروابع في تراكيب العقـول انـواع= حد ينزل بهـا واحـد علـوه مـن تمكنهـا
ومنتوج الكلام الصافي الـي ماعليـه اقنـاع =سما فوق البرامج شاعر المليـون واحزنهـا

الموضوع الأصلي: قصيدة الشاعر بدر بن خرفاش السبيعي | | الكاتب: سعد المظيبري | | المصدر: شبكة بني عبس

[ام جوانا]

ماشاء الله على الشاعر بدر السبيعي بالرغم من صغر سنه الا انك تحس وانت تسمعه انك امام عملاق شعري
اتمنى انه يحصل على مراكز متقدمه في مسابقه شاعر المليون
صح لسان الشاعر وصح لسان الناقل
اخي سعد المظيبري
فعلا تحسن انتقاء الشعراء اللي تطربنا بهم كل مساء
ما اقول الا فااااااااااااالك طيب

[سعد المظيبري]

يعطيج العافيه يا ختي >>> ام جوانا <<< علي مروررج علي

بس ملاحظه >>>> اتمنا اله يتقدم بسبب اله يواجه شاعرنا ثنيان الرشيدي <<<< نحيس هههههههههههههههههههه

[عبيد الله دعيع]

ماشاء الله على الشاعر بدر السبيعي بالرغم من صغر سنه الا انك تحس وانت تسمعه انك امام عملاق شعري
اتمنى انه يحصل على مراكز متقدمه في مسابقه شاعر المليون
صح لسان الشاعر وصح لسان الناقل
اخي سعد المظيبري
فعلا تحسن انتقاء الشعراء اللي تطربنا بهم كل مساء
ما اقول الا فااااااااااااالك طيب أبدعت بأختيار القصائد الجزلة فااااااااااااااااك بيرق الأبدااااااااااااااع

دمت وسلمت