[ولد روق]

الاخوة اعضاء وزوار منتدى بني رشيد الكرام

اسعد الله اوقاتكم بكل خير


يطيب لي نشر هذه القصيدة والمهداة للأخ/ عبدالله بن فظي بن سالم الرشيدي ... تعبيرا عن شكري تجاه مواقفه الطيبه معي ... وهو بالمناسبة زميل عمل


فكانت هذه المتواضعة تعبيرا عن الامتنان .. وهي لن تفي ابو يزيد حقه علي


يا هجوسي دونك العد القراح الصافي = سابحٍ غزر البحور و واصلٍ لأقصاها

أحمد الله وأشكره ما شفت منه خلافي = وسط ربعي والظروف الكايده نقواها

لي جماعه وإلي لابه في المواقف تافي = أفتخر لامن طرت لي وأنتشي واتباها

يا هجوسي ما نخيتك للكلام الهافي = غير أبا امدح لي رجالٍ فعلها علاها

الرجال اللي موقف ولا هو خافي = يوم نيران الحرايب، فعلها يزهاها

يصرفون الطيب كنه معدن الصرافي = من طنايا عبس، عشق المرجلة مبداها

بيض الله وجه عبدالله بياضٍ وافي = حي عينه، حي فعله يوم قال إنساها

له بياض الوجه غطى عالي المشرافي = لين عم الكون كله والنجوم اخفاها

إيه يا حرٍ ولد حرٍ عزيز سنافي = لك مواقيفٍ عسى كل الرخوم فداها

والله إني لا طرالي موقفٍ ينشافي = أذكرك ثم هانت الصعبة ولان اقساها

لك مواقيفك وأنا بالشعر ذا ميقافي = أصخر القيفان والعبها على مجراها

جعل ما قلته يسد ويرضي العرافي = لو فعولك ما لحق شعري لوصف أدناها


وسلامتكم


عبدالعزيز بن محمد الدلبحي العتيبي

الموضوع الأصلي: بيض الله وجه عبدالله بياض وافي | | الكاتب: ولد روق | | المصدر: شبكة بني عبس

[عبدالعزيزعلي]

وانا اقول بيض الله وجه عبدالعزيزالدلبحي وصح اللسانه
وتقبل مروري وجزيل احترامي لك ياولدروق

[مرزوق العجوني]

بيض الله وجهك يابن روق ولا هنت على الرائعه ونعم فيك وبربعك وعبدالله يستاهل الطيب تقبل مروري وان شالله نشوف لك قصايد معنا بالمنتدى

[حــزام]

بيض الله وجهك يابن روق
اشهد بالله ونعم وسبعه انعام بك وبربعك الهيلا
ومعرفة الرجال تجارة ولايبقا للانسان غير ذكره

يصرفون الطيب كنه معدن الصرافي = من طنايا عبس، عشق المرجلة مبداها

ماعليك زود
ولاخلا ولاعدم

[بشيرالشويلعي]

قصيدة جزله ومن شاعر متمكن والأستاذ/ عبدالله فضي الرشيدي يستاهل كل خير

[العريض]

بيض الله وجهك ياولد روق والنعم فيك وبربعك


والا ستاذ/ عبد الله يستاهل وانت كفوى وكثر الله من امثالك فداك جحاد المعروف

[عبدالله معزي]

قصيده جزله من شاعر جزل
قيلت في من يستاهلها
تحياتي

[سهل الجنيني]

صح اللسانك وبيض الله وجهك