[عبد العزيز]

لايـومـي بـيــوم ٍ ولا لـيـلـي بـلـيـل
ولا السّـعـد مقـبـل ولا الـهـم زايــل


ماغيـر ازم همـوم واحــط واشـيـل
ولاراح منـهـا هـــم جـالــه بـدايــل


تـدرون يالعربـان وشهـي البهاذيـل
فرقـى وليـف وحـظ مامـن صمايـل


الوصـل نعمـه والمفـارق غرابـيـل
يـاحــظ لـيـتـك تـعـتـدل مـاتـمـايـل


لامـن بغيـت اعدّلـك تـرجـع تمـيـل
كنّـك تقـول اعيـش وامــوت مـايـل


والمهـرة اللـي ماتعيّـن مـع الخـيـل
مـن دونهـا تقصـر جميـع الأصايـل


من دونها ضاعت عقول الحلاحيـل
وتضـاربـت فيـهـا سـلــوم القـبـايـل


ياشيب عينـي يـوم قفّـت وانـا اخيـل
دموعهـا وبـلٍ عـلـى الـخـد سـايـل


وانا اتصبّر وازهـم العقـل والحيـل
والقلـب يشكـي للضـلـوع النحـايـل


اصبر مثل صبر الرجال المشاكيـل
واخبّـي جــروح الـزمـن واتحـايـل


لن الردي والهيس وخبل الرجاجيل
تفـرح لا ورانـي الـزمـان الهـوايـل


وانـا اترفـع واتـرك الـقـال والقـيـل
واجبر عزى قلبٍ على المـوت آيـل


أشب نار الشوق وارهـي المعاميـل
واريّــح اعصـابـي بـبـدع المثـايـل


ولاّ الغـلا مـاعـاد يحـتـاج تفصـيـل
لـنّــه مـوريـنـي نـجــوم الـقـوايــل


ياللـي غيابـك حـط بالقـلـب تنكـيـل
ويلـي علـى قربـك ولانــي بطـايـل


لاغـاب صوتـك ماتفـيـد المراسـيـل
وفـر علـى الجـوال كثـر الرسـايـل


والله لـــو تـاخــذ لـدمــي تحـالـيـل
تلـقـاك بالجيـنـات صـايـل وجـايـل


حبـك تعـدى حـب الاكـراد لأربـيـل
الاّ تـعــدى حـــب شـمــر لـحـايــل


صبيـت حبـك مثـل صـب الفناجيـل
وين الجليلـه تشـرب اشـواق وايـل


وانته تواعدني مـن اسهيـل لسهيـل
والشـوق فـي قلبـي مسـوي عمايـل


ليتـك تبادلنـي الـغـلا والمواصـيـل
وتـرد لـي بعـض الوفـا والجمـايـل


تعبت مـن قولـة ظـروف وعراقيـل
وتعبـت مـن قـولـة يـاقـل الوسـايـل


يعـنـي انــا ويــاك مـثـل المهابـيـل
واشباهـنـا فـالـوقـت هـــذا قـلايــل


كـذاب مـن قــال المحـبـه تساهـيـل
راحــو ضحيتـهـا عـيـال الحمـايـل

الموضوع الأصلي: انا وياك مثل المهابيل‎ | | الكاتب: عبد العزيز | | المصدر: شبكة بني عبس

[مرزوق العجوني]

صح لساان شاعرها ولا هنت على نقلها لنا ياعزوز ولا هنت

[ام جوانا]

صح لسان الشاعر ومشكور على النقل يا عبد العزيز

[احمد المهيمزي]

صح لسان الشاعر
وتسلم على نقلك الرايع

[عبد العزيز]

مشكورين حبايبي على المرور

[سعد المظيبري]

صح السان شاعرها وبيض الله وجهك علي النقل الرائع

[ابو براك الرياض]

صح لسانك قصيده رائعه

[عبد العزيز]

مشكورين على المرور