[ابن رجعان]

السلام عليكم ورحمة الله وبركاته


ياجماعه إليكم هذه القصيدة اللتي يوجد فيها البيت المشهور (تكفى ترى تكفى تهز الرجاجيل)


الحقيقة القصيدة حصلتها واعجبتني وحبيت ان انقلها لكم


والقصيدة لشاعر احمد الدحيمي من بيشه كما حصلها

وانا سمعت ان هذا البيت كثير من اشعرا قال انه له




اما لطمنا العيل والا الطم العيـل
مادام شب النار مندوب الاطفـى
من ذاق حر القايله يعشق الليـل
ومن شب ضوه ليلة البرد يدفـى
امسيت في جيلٍ ولاهوب ذالجيل
واصبحت والا ديرتي شبه منفـى
واللي حما بيته بطيـرن ابابيـل
ماجيت ادور كل من صـد وقفى
ولاجيت ابشحذ يانما دلّه وهيـل
جيتك وجرح الظلم غاديه يشفـى
جيتك بكلمه كنها صعقة الويـل
ان قلت تكفـا لاتهـاون بتكفـى
تكفا تراها كلمـةٍ تقطـم الحيـل
لابالله الا تنسـف الحيـل نسفـى
تكفى ترا تكفى لها هـدرة السيـل
في صدر حرٍ ينتف الطيب نتفـى
تكفى ترا تكفى لها تسّرج الخيـل
ان كان لك في مجمع الخيل عسفى
تكفى تراني من قـرومٍ مشاكيـل
حماية الساقـه بسيـفٍ وشلفـى
تكفى وتكفـى ماتسـاق لمهابيـل
تكفى تخلّي القـرم لاشٍ وهطفـى
تكفى ترا تكفـى تهـزّ الرجاجيـل
لولا صروف الوقت ماقلت تكفـى

الموضوع الأصلي: تكفى ترى تكفى تهز الجاجيل/ هذا البيت المشهور مع القصيده كاملة | | الكاتب: ابن رجعان | | المصدر: شبكة بني عبس

[هداج]

ابن رجعان

كلك نظر وانا من شهودك ان هذا البيت مشهور

والله يعطيك العافيه وصح لسان شاعرها

[راعي البلها]

صح لسان الشاعر ولاهنت يا بن رجعان
على نقلك للقصيده

[ابن رجعان]

هـــــــــداج

راعي البلها




تشرفت بمروركم الكريم

[مفلح الخضيري]

الله يعطيك العافيه على النقل

[بندر الذيابي]

صح الله لسانك ولسان الشاعر


ومشكور علي النقل وبالحقيقه قصيده تحمل معاني قويه لغايه


تحياتي



بندر الذيابي

[الراوي العبسي]

يابن رجعان مساك الله بالخير أنا من رأيي أن تتمسك بنصائحك السودانية التي لا تحتاج إلى تنسيق

[///ابوخالد///]

اما لطمنا العيل والا الطم العيـل=مادام شب النار مندوب الاطفـى
من ذاق حر القايله يعشق الليـل=ومن شب ضوه ليلة البرد يدفـى
امسيت في جيلٍ ولاهوب ذالجيل=واصبحت والا ديرتي شبه منفـى
واللي حما بيته بطيـرن ابابيـل=ماجيت ادور كل من صـد وقفى
ولاجيت ابشحذ يانما دلّه وهيـل=جيتك وجرح الظلم غاديه يشفـى
جيتك بكلمه كنها صعقة الويـل=ان قلت تكفـا لاتهـاون بتكفـى
تكفا تراها كلمـةٍ تقطـم الحيـل=لابالله الا تنسـف الحيـل نسفـى
تكفى ترا تكفى لها هـدرة السيـل=في صدر حرٍ ينتف الطيب نتفـى
تكفى ترا تكفى لها تسّرج الخيـل=ان كان لك في مجمع الخيل عسفى
تكفى تراني من قـرومٍ مشاكيـل=حماية الساقـه بسيـفٍ وشلفـى
تكفى وتكفـى ماتسـاق لمهابيـل=تكفى تخلّي القـرم لاشٍ وهطفـى
تكفى ترا تكفـى تهـزّ الرجاجيـل=لولا صروف الوقت ماقلت تكفـى

الف شكر على النقل الرائع تقبل تحياتي