[سعد الشقل]

السلام عليكم ورحمة الله وبركاته


هذه المحاوره اقيمت في منتدى قبيلة سبيع الغلبا


في تمام الساعه التاسعه يوم الاحد تاريخ 16/12/2007


بين الشاعرين ..// الجحش و ابن بداح السبيعي



ابن بداح السبيعي

هلا مرحبا بالشعر والخصـم والجمهـور
مسأكم شعر وافراح والنـور زاده نـور
قبل عيد الاضحي نلتقيكم وانـا مسـرور

صلاتي وتسليمي على افضل عباد الله

انت يالجحش وش باليك بسم الجحـوش=وانته إنسـان لا حيـوان يالجـودي !
يمكن أنّك من احدى الناصحين مغشوش؟=قال لك هكذى تنجـح وجيـت تعـدي

الجحش

يدوم البقاء بالشاعر الطيب الغالي
صحيبٍ لقيته شهم بالملتقى التالي
لو ان الدروب وساع وعراض وطوالي

صلاتي وتسليمي على افضل عباد الله

كم من اسمٍ جميل وباللقاء مايهوش=وانت رجلٍ مخضرم مأنت رجلٍ ردي
اتجه للحواجب وتجه للرموش=لاتدنق تطيح المحفظه يابعدي

ابن بداح السبيعي

يقولون شاعر جزل قلنا على القوه
و يوسف يقول انه مسوي معك خوه
عسى الله يوفقك الهدى والخبر توه

صلاتي وتسليمي على أفضل عباد الله

النصيحه بلاش ولا عليها قروش=ما تهاون بها إلإ واحدٍ محتدي
اتكلنا على الله وانت وجهٍ بشوش=اكتفي بالاشاره وتعرف مقصدي

الجحش


ترى ماعليك قصور جزل و على الذمه
وانا لن لقيت الجزل شرواك ماذمه
ويوسف خويي وانت وش جايبك يمه

صلاتي وتسليمي على أفضل عباد الله

الكراسي ورى المريخ فوق العروش=والكواكب تنثـر بيمنـك يالجـدي
اتكلننا على الله تحت وبل الرشوش=ابرقي يابروق ويارعـود ارعـدي

ابن بداح السبيعي

سمعنـا خبـر وعلـوم ضاعـت مـع الطـوشـه
وابـه نـاس مبسوطـه وابـه نـاس مغشوشـه
واظـن السبايـب كلـهـا بــوش وجحـوشـه

صلاتي وتسليمي على افضل عباد الله

انت هونت وإلإ كّلمك جرج بـوش=من تسمع كـلام الكافريـن يغـدي
ان رضينا بما يحصل كلتنا الوحوش=أركدي يا مجانين العبـاد أركـدي

الجحش


عسى الله من اهل الغش والغش يامنّا
ومن غشنا ليس بمنكم ولا منّا
لو ابحث عن اهل الغش حملت لي دنّا

صلاتي وتسليمي على افضل عباد الله

بوش ماشوفه الا من خلال الدشوش=لو اكلـم عجـل ماكلـم المسـردي
والعرب كل يوٍٍٍٍٍمٍ بالجزيره طـروش=اربعه بالغمـاره واربعـه بالبـدي

ابن بداح السبيعي


يا ليتك تمعـن فـي كلامـي ولا تبلـش
وانا يا وسيع العرف ماني براعي غـش
يقول المثل ما دام تقـدر تمشـي مـش

صلاتي وتسليمي على افضل عباد الله

بوش عقب الصداقه صرّت قايد جيوش=علمه عن حـروف الجـرّ والابجـدي
العرب قالوا أنّك تالي الوقـت خـوش=وش تبي بالنحاسه وانت طبعك هّـدي

الجحش

تمعنت في هرجك ولاني عنه منحاش
كلامك عسل صافي ولا قلت لك غشاش
تحاول تمشئ شئ والشئ شئٍٍ ماش

صلاتي وتسليمي على افضل عباد اللـــــــــــه

الدفاشه تراها من نصيـب الدفـوش=وانت اضنك بحرف الجرّ عرقك ندي
ان دخل فيك شك اكرب حزام القفوش=ورم با الجو واشعل ليلك السرمـدي

ابن بداح السبيعي


انا كيف اشّره دام ما في الجحـش شرهـه
عيونـه بنظـاره ولا شـافـت الـدرهـه
لكن لجل جمهـور الشعـر بنتظـر برهـه

صلاتي وتسليمي على افضل عباد الله

أربعمئه دبل ومكبّته مـا تكـوش=لين تسري بها والليل توه مـدي
كان تقدر تنوش الجدي منّاك نوش=االجدي فوق مانتب قادرٍ تصعـدي

الجحش

تحاول تفرنك بالمواضيع وتغشش
ولكن عيونك من رذاذ المطر ترمش
وإذا قلت لي وشلون ؟ قلت إلك بالمشمش

صلاتي وتسليمي على افضل عباد اللـــــــــــــه

كبتت فوق راس ابن الحلال الهلـوش=واخسـارة عنايـه وتعبـي وجهـدي
انت صدرك على القدس الشريفه يغوش=لكـن استكفروهـا زمـرة المعـتـدي

الموضوع الأصلي: عميدالشعراء × ابن بداح السبيعي | | الكاتب: سعد الشقل | | المصدر: شبكة بني عبس

[سعد الفلاح]

الله يبيض وجهك أخوي سعد ويعلم أنك دايم محرجنا بطيبك

وأشكر شاعرنا عميد الشعراء على هاذه المحاوره الأكثر من رائعه وعلى تلبية الدعوه وأشهد شهادة حق ماخاب من سماك عميد الشعراء

وكما أشكر الشاعر الأخ أبو عبدالله مفرح بن أبداح السبيعي على تلبية الدعوه وتواجده بلوقت المحدد وأمتعنا بما قدم لنا في المحاوره من قوة المعنى وصلابة الأبيات


وكما أشكر الأخوان الذينه حضرو للتشجيع عميد الشعراء وهو فلعن يستحق المتابعه ويستحق من يقف بصفه


ولايفوتني أن أكرر شكري لك ياصديقي العزيز سعد الشقل على النقل وتسلم يمينك ولاهنت يلغالي


ولكم مني أجمل تحيه وأعذب ســلام

[سعد الشقل]

ارحب بالزميل وقائد الصف ابو فلاح ههههههههههههه


لا شكر على واجب


هذا اقل واجب نسويه اتجاه هذا الصرح الشامخ

واشكر عميد الشعراء وابن بداح السبيعي على هالمحاورة الاكثر من ممتازه


واشكر جميع من كان حاضرا

اخوكـم../ سعد الشقل

[يوسف السبيعي]

اشكرك اخي سعد على هذا التنسيق السريع

واشكر الشاعر الكبير الجحش الصراحة ابدع كما توقعناه


والشكر للاخ الغالي الشاعر الكبير مفرح بن بداح شاعر جزل



وشكرا للاخ سعد الفلاح على ماقام به من جهود لانجاح هذه المحاورة القوية



وتحياتي للجميع من حضر المحاورة وشجع الشاعرين

[غريب]

سعد الشقل لاهنت على النقل وامتعتونا واللـه على النقل اللى بين الجحش وشاعر ابن بداح ماقصرتو
والجحش صديقي ماقصرت يا صديقي الصدوق وابي منك السموحه اني ماحضرت واللـه كنت مشغـول ولا قدرت اشبـك وناسين الموضوع فكرتها الاثنين وسمحـــــلـــي يا الغالي وخيرها بغيراها ان شاء الله


تقبل مروري
غـريب

[(فارس الرشيدي)]

نشكرك ياسعد الشقل على النقل السريع والشهاده لله ان الجحش شاعر فوق الخيال بدون قصور في زميله الشاعر بن بداح السبيعي الذي ابد مع الجحش والحقيقه تقال ان الجحش هوعميد الشعراء بدون منافس من اي شاعر وهذا الواقع ولكن يالجحش اعلن اسمك كامل واله يوفقك وعتبرني من جماهيرك

[بحــ الخليج ــر]

صح لسان الشاعر الجحش والشاعر ابن بداح السبيعي وتسلم ياسعد الشقل المهيمزي على النقل

[فواز الدواي]

صحا السان الشاعرين محاوره جزله


وكفو ياعميد الشعراء