[فواز الدواي]

السلام عليكم ورحمة الله وبركاته

انــــــشر لكم رديه بين الشاعر / مــــصلح طلق بن نشرا العجرمي الرشـــــــيدي والشــــــاعر عـــــــبداللــــــه عبيد الحربي

عسى الله يطول عمر من قام بالماجوب= عقب ماوقفنا والخبر جت تباشيره
عقب ماوصلنا صامل العلم والمندوب = عن امر القيادة نستلم جعلها خيره
بغينا المراح وعود العلم بالمقلوب = عسى الله يدبرنا على حسن تدبيره
تعكر مزاج اللي شرب صافي المشروب = غريب الديار اللي طوالٍ مشاويره
وقف دوننا اللي باللوازم يسد النوب = رجالٍ لهم في الطيب والمعرفه سيره
لهم مع طريق اهل الوفا معرفه ودروب = مشو مع طريقٍ كايداتٍ معابيره
تناخو بأداب ومعرفه بينهم واسلوب = على الطيب كلٍ قام يكتب تقاريره
مشو بالعلوم الطيبه واوفو المطلوب = هل الطيب كلٍ بان فعله وتقديره
عليهم بياض الوجه من كل فج وصوب = عدد من سجد لله بركعه وتكبيره
كتبنا لكم ياهل الوفا واضح المكتوب = قصيدة ثنا من هاجسٍ زان تعبيره
من الهاجس اللي قام وسط الظمير يلوب = كلام ٍ يجوز لصاحب العرف تفسيره

رد عبـــدالله الحربي على مصلح الرشيدي

الا يارجالٍ جو من كل حد وصوب = على مركز (الحماد) صفت طوابيره
ابا اسمعكم ابياتٍ تجنب عن الحاسوب = وتجنبتبه حسبه مع التوم مع غيره
وترى مافعلنا فعل عنتر ولا شيبوب = ولا انصخر اللي عاجزتٍ صواخيره
وهذا تراه الواجب اللازم المطلوب = كما يطلب الماطور نقلت تغاييره
ومن لافزع ياصاحبي وشيبي بالثوب = لا عل الجنون تطير به مع معاصيره
ليا صار مايسقيك من جمها بغروب = يطيح المقام وياقع الهيس في بيره
والا ياهلا بالشاعر الطيب المحبوب = نظمله بيوتٍ ماتقاس بدنانيره
عليها من اوصاف الذهب صبة المصبوب = وعليها من الالماس لفضه وتعبيره
نوادر بيوتن مادخلها هسس وعيوب = تبصر بهنه واجتهد في تباصيره
بيوتن لمصلح تطفى اللاهب المشبوب = على قلب من قامت هواجيسه تديره
بيوتن تبل كبود مطرانها وحروب = حلبها الرشيدي من مواخر مباكيره
ومصلح طلق لاعل ماتعتليه ذنوب = رفيق الرفيق وطيب الجاه والجيره
رفيقك ليا حكت قماشاتها بالهوب = ثم حولت من فوق جرفن لدحديره

الموضوع الأصلي: مصلح الرشيدي و عبدالله الحربي | | الكاتب: فواز الدواي | | المصدر: شبكة بني عبس

[سعد الشقل]

صوت وصدى رائع بين الشاعرين

مصلح الرشيدي وعبدالله الحربي

رائعه بمعنى الكلمه

لاهنت يا فواز الدواي على النقل المميز

[رواية]

قصيدتين رائعتان
من الشاعر مصلح الرشيدي والشاعر عبد الله الحربي

تسلم اخوي والله يعطيك العافيه

[فواز الدواي]

سعل الشقل تسلم على مرورك الكريم

[فواز الدواي]

طيف المشا عر تسلمين على المرور

حياج الله

[عبس404]

قصيده جميله ورائعه

ويسلموو

[فواز الدواي]

شكرا على مروركم جميع

[واثق الخطوة]

لاهنت اخوي على هذا النقل الرائع

الله يعطيك العافيه