[سعد الشقل]

السلام عليكم ورحمة الله وبركاته


اهدي لكم هالقصيده واتمنى ان تنال اعجابكم

دق ن هواجيسي وهاج ن الافكار=جلست اهوجس باخر الليل ساعات
العقل من بعض السواليف محتار=بعض السوالف يفقع ن المرارات
راحت فلسطين العروبه للاشرار=وحنا نشاهد نفسنا بالمرايات
ابن اليهودي يلعب ايمين ويسار=وابن البلد عايش بوسط المتاهات
وياما قرينا بالجرايد والاخبار=ان محمد صار ضحكت دعايات
وحنا نراسلهم على قول الاعذار=تطلع على الاخبار عبر المحطات
امة محمد عزمها راح ونهار=وحنا نعيش الوضع بسكات بسكات
راح الزمان الي لنا فيه مقدار=الحين صرنا تحت ظل الخواجات
وين انت يلي بالمواقيف صبار=اتسل سيف الدين قدم الاهانات
القايد الي ما يحسب للاخطار=الي طموحه بس نيل الشهادات
وختامها صلو يا وافين الاشبار=على محمد عد طلع النباتات

مغليكم..// سعد مثني الشقل

الموضوع الأصلي: فلسطين (( سعد الشقل )) | | الكاتب: سعد الشقل | | المصدر: شبكة بني عبس

[بتاال]

اللهم صلي وسلم على سيدنا محمد

صح لسانك ياسعد

وحظووووووووووووووووور

قوي وابيات محبوكه

ولاهي مجامله

تقبل اعجابي

وبنتظار جديدك

تحياتي

بتاال

[سعد الشقل]

صح بدنكـ يا بتال

وشهاده اعتز فيها


شاكر لك مرورك الكريم

[بحــ الخليج ــر]

اللهم صلي على محمد وصح لسانك يالمشرف سعد قصدي يالشاعر سعد الشقل بصراحة قصيدة رائعة وتناسق وتعبر عن واقع يعيشه اخواننا في فلسطين ولبنان والعراق وبعض دول المسلمين نسأل الله العلي العظيم ان ينصر المسلمين في كل مكان ,,,,
وبالنهايه اقول ان القصيدة تبشرنا بشاعر قادم بقوة يزيد هذا المنتدى المتألق تألقا وجمال اتمنى لك التوفيق ياخي سعد وننتظر جديدك
تقبل مروري

[سعد الفلاح]

اللهم صلي وسلم على محمد

الله الله قمة الأبداع صح أللسانك وأعتلى شانك على القصيده التي تعبر بواقع نعيشه وتسلم يمينك أخوي سعد ولاهنت

[عبدالرحمن عديهان]

اخوي سعد قصيده فعلا نتأسف من موقفنا اللي لانزال نصارعه

راح الزمان الي لنا فيـه مقـدار
الحين صرنا تحت ظل الخواجات
وين انت يلي بالمواقيـف صبـار
اتسل سيف الدين قـدم الاهانـات

شكرا على ابداعك اخوي سعد

تقبل مروري عبدالرحمن عديهان

[سعد الشقل]

اقتباس من مشاركة بحــ الخليج ــر اللهم صلي على محمد وصح لسانك يالمشرف سعد قصدي يالشاعر سعد الشقل بصراحة قصيدة رائعة وتناسق وتعبر عن واقع يعيشه اخواننا في فلسطين ولبنان والعراق وبعض دول المسلمين نسأل الله العلي العظيم ان ينصر المسلمين في كل مكان ,,,, وبالنهايه اقول ان القصيدة تبشرنا بشاعر قادم بقوة يزيد هذا المنتدى المتألق تألقا وجمال اتمنى لك التوفيق ياخي سعد وننتظر جديدك تقبل مروري

صح بدنك يا بحر الخليج

وبصراحه اعجز عن الرد على كلامك الطيب والي يحمسني


شاكر لك مرورك الكريم

[سعد الشقل]

اقتباس من مشاركة سعد الفلاح اللهم صلي وسلم على محمد الله الله قمة الأبداع صح أللسانك وأعتلى شانك على القصيده التي تعبر بواقع نعيشه وتسلم يمينك أخوي سعد ولاهنت

هلا وغلا بالصديق والزميل ../ سعد الفلاح

صح بدنكـ

ولاهنت على المرور والكلام الطيب