[ابو عبدالعزيز]

السلام عليكم ورحمه الله وبركاته ,,,
هذي القصيده كتبتها أمرئه معانه في السن. بعد ما أودعها ابنها وللأسف في دار المسنين ,,,,,,
-----------------------------
يــامسنـدي قلبـي علـى الـدوم يطـريـك,,, ماغـبت عـن عينـي وطيفـك سمايا
*
هـذي ثـلاث أسنيـن والعيـن ترجيـك ,,, ماشفــت زولــك دايـر(ن) ياضنايـــا
*
تذكــر حياتـي يــوم أشيلــك وداريـك ,,, ولاعبــك دايـــم(ن) وتمشــي ورايا
*
ترقـــد علـى صوتـي وحضني يدفيـك ,,, ماغيرك أحد(ن)ساكن(ن) في حشايا
*
وليـا مرضــت أسهـر بقربـك وداريــك ,,, ماذقــت طعـم الـنـوم صبح ومسايا
*
يامـا عطيتـــك مـن حنانــي وبعطيــك ,,, تكبــر وتكثــر بالأمـــل يامنــايا
*
لاكـــن خســاره بعتنــي اليــوم وشفيـك ,,, أخلصـــت للزوجـه ونـا لـي شقـايا
*
أنــا ادري أنهــــا قاسيـــه مـا تخليــــك ,,, قالــت عجـــوزك مابيهــا معــــايا
*
وخليتنـــي بالمصحــه وأنــا ارجيــــك ,,, هــذا جــزا المعــروف وهــذا جزايا
*
ياليتنـــي خدامـــة(ن) بيــن اياديـــــك ,,, مشـــان أشوفـــك كـل يـوم برضايا
*
مشكــور ياوليــدي وتشكـر مساعيــك ,,, ودعيلــــك الله دايــــم(ن) بالهــــدايا
*
حمــدان ياحمــدان أمــك توصيـــــك ,,, أخــاف مـا تلحــق وتشوف الوصايا
*
أوصيــت دكتــور المصحـه بيعطيــك ,,, رسالتــي وحــروفهــا مــن بكــــايا
*
أن مــت لا تبخـــل عليــه بدعاويــــك ,,, وطلبلـــي المغفـــره وهـــذا رجـايا
*
ومطـــرت القبـــر بدمــوع عينيــــــك ,,, معـــاد ينفعـــك النـــدم والنعــــــايا

=============================

وسلامتكم :
أرجو انها تحوز على اعجابكم .
أخوكم : ابو عبد العزيز

الموضوع الأصلي: قصيده حزينه | | الكاتب: ابو عبدالعزيز | | المصدر: شبكة بني عبس

[ماجد الذيابي]

يعطيك العافيه ابو عبد العزيز وماقصرت على النقل

[أبو فايز العويمري]

قصيده رائعه واشكرك على نقلها ونسأل الله العلي القدير ان يجعلنا بارين بوالدينا

[ابو عبدالعزيز]

شكراً لكم جميعا مروركم محل تقدير

[سالم الرشيدي]

يعطيك العافيه بس مكرره

http://www.bani-3abs.net/aa/showthread.php?t=17636

[ابو عبدالعزيز]

شكراً لك اخي الكريم / سالم الهدف واحد العبره عادي أحذفها الحق لك

[ابو براك الرياض]

يعطيك العافيه

[ابو عبدالعزيز]

شكراً لك اخي الكريم