[حمد المخيال]

السلام عليكم أخواني وأخواتي

نزل في منتداكم العامر ضيف على هذه القبيله العريقه والتى لها في قلوبنا الكثير من الود والإحترام لما يمتاز به أهلها من شجاعه مشهوده على من العصور وكرم وطيب لاينتهي ولايعد

الأخ الملازم أول والشاعر / علي العراده الرشيدي أخ عرفته منذ زمن ليس بالقصير له مواقف طيبه يصعب عدها هو ووالده العم الفاضل / فهد العراده أمده الله بالصحه وألبسه ثوب الستر والعافيه وكذلك أخوانه يوسف ومحمد ومشعل وسعد الذين لهم مواقفهم المشرفه والتي يتنومس لها كل رجل

توجهت بقصيده للأخ علي العراده بقصيده أتمنى لها القبول بينكم

يسبقها ودي وتقديري

الله خلق في الناس أشكال وأجناس= وجنسك يبو مبارك تراهو قليلي
جيتك أشيل أمن الزمن ألف وسواس = عودت منك تارسلي صميلي
عوايدك يطيب الصيت والساس = من كثرت همومه فزعت وتشيلي
يبن العراده ياعلي طير قرناس = واسعد منهو يقصدك يالأصيلي
مثلك ندر يبن العراده مع الناس = مدهال فعلك يالسنافي يهيلي
بيضته يوم الليلي تعوماس = يومني اشكي من خيانة عميلي
جيتك وقلبي ياعلي فوق محماس = حملي على المتنين ياهو ثقيلي
مرت ثلاث شهور والحال محتاس= تسعين ليله ياعلي باد حيلي
لي ونةٍ ياخوك من ضيق الأنفاس= جريتها من صبح أمسي لليلي
جريتها يبن العراده على قياس = فرقى وليفٍ ماتسمع لقيلي
من دون شوفه ياعلي فيه حراس = ممنوع أجي خلي وهو مايجيلي
بيني وبيه عاثر الحظ منحاس= يانعنبوا حظٍ علينا يميلي
سافر شبيه الدر والقوت والماس = ودموع عيني فوق خدي هميلي
قفا وانا وقفت روحي والاحساس = الموت شفته عقب فرقى خليلي
أشوف موتي ياعلي وأحسبه أنعاس= تخدرت اطراف جسم القتيلي
الشاهد الله ياعلي صرت حواس= بين العرب يخوك أشكي قليلي
لا عاد طاب العيش ولاطاب مجلاس= وياكبرها كبرها للي قبيلي
مثلك يقدر كلمتي وانت حساس = بضاعتي الأشعار ومثلك عميلي
الفكر مصدرها أتت من خوا الراس= ابيات للطيب كما هد سيلي
للي شراته فالعرب قلة الناس= يالله عسى عمر العراده طويلي

مسج لك أيها الصديق

الظن بعضه يلحقك تكسب الأثم = كلام ربي حافظه وسط لوحه
لايغرك اللي من زمانه شرب سم = بعض السموم أطيب منها جروحه

أخوكم ومحبكم
حمد المخيال

الموضوع الأصلي: الملازم أول الشاعر / علي العراده الرشيدي ... ولقلوبكم | | الكاتب: حمد المخيال | | المصدر: شبكة بني عبس

[ماجد الذيابي]

حياك الله ياحمد في شبكه بني عبس ونوووووووورت المنتدى

[ياسر العرعري]

..


الله الله

صح لسانك أخوي حمد المخيال .. وقصيده جزله .. وحيـأك الله في شبكه عبس


لاهنت


أخوك


..

[عبدالعزيز الخياري]

يامرحبا فيك ياحمد ويشرفنا وجودك بيننا أخ عزيز في شبكة عبس

ونور المنتدى فيك وبقصيدتك الرائعه

وصح الله لسانك مدد بلا عدد

ويامرحبا مره ثانيه وثالثه ومليون وننتظر كل جديدك

[الاجهر]

حياك الله يالمخيال وصح السانك وعلاء شانك وعايلة العرادة لهم في قلوبنا كل الود والاحترام والترحاب وهم محازم بطونا وعصايب روسنا ياعلى مبكي احد منهم . من حصل الطيب يستاهله . لاهنت وبيض الله وجهك
تقبل تحياتي

[هديان الرشيدي]

مرحبااااااااااا بالاخ حمد المخيال في شبكة بني عبس

وقصيده تشكي معانة انساااااااااااااااااااااااان حساس جدا وان شاء الله تعالى علي العراده يقوم بالواجب

[الغطفاني]

في البدايه حياك الله يابن مخيال من ناس طيبه ومنهم ربع لنا وجيران ..
وتسلم على ماقلت
وصح لسانك .. ويستاهل بن عراده ..

والله يوفقنا ويوفقكم اجمعين

[سعد الفلاح]

يامرحبا فيك ياحمد ويشرفنا وجودك بيننا أخ عزيز في شبكة عبس

ونور المنتدى فيك وبقصيدتك الرائعه

وصح الله لسانك مدد بلا عدد

ويامرحبا مره ثانيه وثالثه ومليون وننتظر كل جديدك