[سعد الشقل]

الجحش

لعيون ابو تركي زعيم الشواعير=وين انت ياحزب الفلس والهزايم
حنا الرجال الي نقود الطوابيـر=في ساعتٍ فيها تطيـر العمايـم

ناصر صويان

لعيون حزب ٍ مايهاب المخاسير=جيناك ونصحيك لاصرت نايـم
أخر زمان العمده يخاوي العير=والعير ماهو مثل باقي البهايم

الجحش

خسران من ياثق ويبدي على الغير=بعض العرب مايحفـظ السردايـم
خلاص0 مافيها علـوم ومعاذيـر=قلته ولانـي خاشـيٍٍ لـوم لايـم

ناصر صويان

اقسم برب ٍ يرزق الحوت والطير=ان الامانه من ورا بحـر عايـم
بس انت جبت العيد ياقاسمت خير=صدقتلك مفطـر وكذبـت صايـم

الجحش

قبلي شكى عنتر وأبوزيـد والزيـر=حتـى رسـول الله تلقـى الشتايـم
اصقـور قدامـي تحـوّل عصافيـر=والطير الابرق في سماء الصقر حايم

ناصر صويان

وقعت فيها ماتفيـد المعاذيـر=خذ لك بهالدنيا دروس وقسايم
حولت مثل مقيط ورشاه بالبير=بانت على وجهك جميع العلايم

الجحش

الدرس مني ياخذه بوش وبلير=ماني بحاجة درس والحظ قايم
عزمي يهز جبال والبير ياعمير=ماطاح فيـه إلاّ ردي العزايـم

ناصر صويان

يالجحش شافك واحد بديرة مطير=تسرح وتمرح مع هبوب النسايـم
يابو عزوم الصبح لاتجيني مغيـر=من عقـب ذبـك للفجـوج الخرايـم

الجحش

الحر الاشقـر يسبـر الجـول ويطيـر=صيده مـن الجـزلات ماهـي هلايـم
تحمّـدالله كـان جــوك المناعـيـر=لوان قايدهم على اربع قوايم

الموضوع الأصلي: الجحش × ناصر صويان | | الكاتب: سعد الشقل | | المصدر: شبكة بني عبس

[الجحش]

بيض الله وجهك ياسعد يابن الشقل
ياخوي انت رهيب رهيب خذ بوسه على خشمك

[الاجهر]

مشكور ياسعد بيض الله وجهك

[القزم]

بيض الله وجهك

[بحــ الخليج ــر]

بيض الله وجهك ياسعد على التنسيق وصح الله السنت الشعار ناصر والجحش محاورة رائعة

[بنت العبسي]

كانت رائعة والان اروع

تسلم يدينك اخوي سعد تنظيك رائع الله يحميك

[(فارس الرشيدي)]

قبلي شكى عنتر وأبوزيـد والزيـر
حتـى رسـول الله تلقـى الشتايـم
بيت حكمه من عميد الشعراء
مشكور المشرف الرائع سعدالشقل على النقل والتنسيق

[عبدالعزيز بن شري]

شاعرين من الوزن الثقيل
شكرا على النقل الرايع
احترامى