[شامخ الشامخ]

السلام عليكم ورحمة الله وبركاته


اخواني في منتدى قبائل بني رشيد ...
اصافحكم بهذه القصيدة .. علها تحوز على القليل من الإعجاب ..
واهديها للشاعر والأخ العزيز / عبد العزيز بن دحيم الخياري ..


بسم الله ..

عقب ذيك الظروف اللي رمتني بالحساء شهرين = يحين الوقت وأرجع للجميع .. وسّم يا الساني
وقف بي حظي العاثر .. على ليل الفراق الشين = رماني ليلي القاسي .. على ليلٍٍٍٍٍ تحداني
بعد طول الغياب .. وسكة التخمين والتضمين = تباطى جيتي .. داري.. على .. ربعي .. على أخواني
سألني كل غالي .. عن اغيابي من ثلاث سنين = و أجاوب بأبتسامات ٍ .. تغيض الدمع بأجفاني
و أرووح أحكي عن ايامي .. وأجملّها بشيء ٍ زين = وأمثـّـل بالكذب .. فرحة لقاء .. ربعي وصدقاني
وأنا .. والله عليم .. اني تحريت الفرح عامين = بعد عام ٍ خذا البسمة ولا ادري وين وداني ..!!؟
رحلت .. بلا حدود ولا رفيق ولا متاع ودين = بعد .. دين ٍ كمل لي وأنتهى ..بتركي وحرماني
تركني .. لا سبب مقنع .. ولا غادر .. ولا تطمين = ولكن القدر .. يحكم ..وذاك الحكم ..رباني
دفني مثل دفتر عشق .. محروق .. و مبلل طين = و كتب لي فوق قبري .. عايش ٍ عمرك على الفاني
رجعت .. احمل همومي .. وأسأل دياري / حبيبي وين ..؟ = عسى الغالي ..عقب ما طالت الغيبة .. تناساني
تبعثر ليلي المظلم .. وميزت الثلاث ... اثنين = وضاعت كل كلمة .. وقت ذاك الصوت ناداني ؟
اداري نظرتي .. لين اصبحت هـا اليد باليدين = و لدّيت النظر .. لين اصبحت لاعيان بأعياني
صدى صوته ..يحرك خافقي .. والعين قدم العين = وسالت دمعته .. لحظة تكلم .. ليه تجفاني .؟
يعاتبني على قطع الزيارة من زمان الــفين= وعليه الله وامان الله .. بكـَـاني .. لين .. بكـّـاني
نويت أمشي ... وانا أشر ما حسبت لطعنة السكين = ومديت القدم قال .. انتظر لحظة على شاني!!
ترى قلبي ولو ترحل .. يمينا ً ما اسكنه شخصين = وطلبتك يالوفيّ انك تذكر حبك (.....)؟
ضحكت..وقلت.. والله لـ البنادم .. ما انخلق قلبين = الا ليت المحبة .. ما دخلها شخص خواني
تطمن يا حبيبي وامسح الدمعه عن الخدين = انا اللي مانسيتك .. لو نسيت اسمي وعنواني
احبك يا مدى شمس الغرام .. وريشة التلوين = أحبك رغم تدشين الظروف .. بظلمة انساني
احبك و ( العمر ينزف كيانه ).. والفراق يبين= احبك والأمل وصلت معاييره لخسراني ,,!
احبك .. والزمن فاتورته بالحب تدفع وين ؟ = احبك والندم .. يضفي علي القاصي الداني
احبك .. قلت احبك من سنين .. وقلتها ذا اللحين = رغم فرق الظروف .. ورغم دمعاتك والأزماني
ابي تجمع على صدر الورق .. (سبعين مع عشرين) = وأبي تجمع على الناتج ( ثمان ).. وتعرف احزاني ..!
وابي ترحل .. وانا بأرحل .. واسدد من سنيني دين = ولك مني ( فلا اتناسى غرامك قدر الأمكاني) ..!
سألتك ..بالولي .. اللي ..خلقك بروعة التكوين = تكفف دمعتك .. لين الزمن يجبر عزاء احزاني
جبرني فيك .. قلباّ يشتكي بمجبتك دهرين= عرف بعد اللقاء هذا .. حرام ٍ نلتقي ثاني
خذتني دمعة اعيونك .. رحيل ٍ داخل العينين = خذتني نظرة افراقك .. رحيل ٍ داخل اوطاني
وذبحني دفتر العشق .. وحفر لي جانبه قبرين = وضمتني اليدين .. اللي عبق نرجس وريحاني..!
وداعا ً يا غرامي .. والهدية في زمان البين = رسالة .. تكتب .. افراقي .. وشكري له .. وعرفاني
وعقب ذيك الظروف اللي رمتني بالحساء شهرين = يحين الوقت وأرجع للجميع .. وصح يا الساني

وسلامتكم ..


وهنا القصيدة صوتية .. !


http://www.mr-aziz.com/Shamekh/Shamekh_Poem1.amr

مع التقدير والتحية ..


اخوكم

ابو نايف

الموضوع الأصلي: 70+20+8 // صوتية ..! | | الكاتب: شامخ الشامخ | | المصدر: شبكة بني عبس

[بندر الذيابي]

كلمات تنقش من حروف من ذهب لكي يخلده الزمن .... ويستشهد

بها بالازمان المقبله ...... هنا بين حروفك الماسيه وصدق كلماتك الذهبيه أقف إحتراما لك ولشخصك على هذه الكلمات

التي يعجز قلمي عن وصفها ولساني عن التعبير نحوها..... لانه لن يكتمل لقلمي سطوع مادام قلمك موجود ....


أخي العزيز شامخ الشامخ .....

صح لسااااااااانك وبالفعل تستحق هذه القصيده شعار صح لسانك لانه بالفعل من شاعر عملاق ومبدع.


لطالما حلمت وتمنيت ان تكون بيننا وهذاا هو حلمي يتحقق بطرح رائعتك الجميله ..... ارجوا من الله ان لا يحرمنا من هذا

التواجد الرائع والمميز ...... لشخص بغني عن كلماتي البسيطه.

اخي شامخ لا يسعني الا ان أنتظر جديدك بكل شغف وبفارغ الصبر.

كان هنا أخوك ....

بندر الذيابي

[خليف الوهيداني]

عقب ذيـك الظـروف اللـي رمتنـي((( بالحسـاء)) شهريـن
يحيـن الوقـت وأرجـع للجميـع .. وسّـم يـا السانـي
وقف بي حظـي العاثـر .. علـى ليـل الفـراق الشيـن
رمانـي ليلـي القـاسـي .. عـلـى لـيـلٍٍٍٍٍ تحـدانـي
بعـد طـول الغيـاب .. وسكـة التخميـن والتضمـيـن
تباطى جيتي .. داري.. على .. ربعي .. علـى أخوانـي
سألني كـل غالـي .. عـن اغيابـي مـن ثـلاث سنيـن
و أجـاوب بأبتسامـات ٍ .. تغيـض الـدمـع بأجفـانـي
و أرووح أحكي عن ايامـي .. وأجملّهـا بشـيء ٍ زيـن
وأمثّـل بالكـذب .. فرحـة لقـاء .. ربعـي وصدقانـي



صح لسانك

واكتفي بماكتبه بندر




بس تراك زعلتنا بالحسا الا انه غالي عندنا


وبعد عليك حق والله يعينك عليه

صح لسانك ولو انها ماتكفي


لك احترامي

[الاجهر]

صح السانك اخي /شامخ
والله يجمع شتات الشمل
وكلنا مبعثرين في ها الارض
ولاكن هذا الصرح الشامخ
ساعدنا وخفف علينا نصف الغربة
سجل اعجابي بكلماتك العطرة
تحياتي

[مبارك الشويلع]

صح لسانك يالشامخ

وبيض الله وجهك

على هالجزله الوافيه


وابودحيم يستاهل كل خير

ننتظرر المزيد من الابداااع

[عبدالعزيز الخياري]

مرحبا بالشاعر والاخ العزيز /شامخ الشامخ

وحياك الله ، والحقيقه قصــــــيده وافيه من شاعر مبدع ، معودنا على كل ماهو جديد

أتى بقصيده أبياتها من ذهــب ، إبــداااااع إلى أبعد الحدود،

ومهما كتبت وكتــبت عنك فلن أوفي بكتابتي.


على العموم يابــونايــف تســـلم وصح لســــاااانك

وبإنتظار جديدك فلا تنسى إني واحد من جمهورك ...

[ابوصالح]

صح السانك وعتلا شانك اخوي ابونايف

على القصيده الرئعه

شكراً لك اخي الكريم

[شامخ الشامخ]

اقتباس من مشاركة بندر الذيابي كلمات تنقش من حروف من ذهب لكي يخلده الزمن .... ويستشهد بها بالازمان المقبله ...... هنا بين حروفك الماسيه وصدق كلماتك الذهبيه أقف إحتراما لك ولشخصك على هذه الكلمات التي يعجز قلمي عن وصفها ولساني عن التعبير نحوها..... لانه لن يكتمل لقلمي سطوع مادام قلمك موجود .... أخي العزيز شامخ الشامخ ..... صح لسااااااااانك وبالفعل تستحق هذه القصيده شعار صح لسانك لانه بالفعل من شاعر عملاق ومبدع. لطالما حلمت وتمنيت ان تكون بيننا وهذاا هو حلمي يتحقق بطرح رائعتك الجميله ..... ارجوا من الله ان لا يحرمنا من هذا التواجد الرائع والمميز ...... لشخص بغني عن كلماتي البسيطه. اخي شامخ لا يسعني الا ان أنتظر جديدك بكل شغف وبفارغ الصبر. كان هنا أخوك .... بندر الذيابي

السلام عليكم وركحمة الله وبركاته

الغالي بندر الذيابي
تعجز الحروف عن الوقوف امام ما كتبت ..
وليس لدي ما اقوله .. سوى صح بدنك طال عمرك

شرفتني بهكذا مرور وشهادة اعتز بها

لك كل التقدير

اخوك
ابو نايف