[عبيد الله دعيع]

ياسوق الأسهم عليك الناس منكبه=تبغا المكاسب ولاهي من معتاشه
إطالع إمؤشرك باقلوب مشتبه=عيونهم بأللحت من سبة الشاشه
كلك خساير ولاني عارف السبه=اللي يبى الربح منك الربح ماحاشه
هذا رفعته وهذاقمت تضربه=وهذاك علقت رجلينه بكماشه
كم واحد(ن)تضرب براسه على الصبه=ياسوق الأفلاس منك الرؤس منداشه
ياحظ من مادخل بالسوق ماطبه=خلأ المكاسب للناس(ن)فيه حواشه
أنادخلته وأبى استثمر وأضاربه=خسرت مالي ماباقي غير خشخاشه
أنا أحسب أني ذكي فاهم ومتنبه=ناب الحنش ناشني من عرض من ناشه
مال الفقارى منه مكسب ولاحبه=والياكسبو مكسب(ن)في راس منقاشه
وإلاالهواميرفسقانه وتكسبه=طالع ترشه ونازل فيه قشاشه
تجار والسوق بيديها وتلعبه=فيها الطمع والجشع وأنفوس مهتاشه
سوق(ن)يجيب المرض لامن فتح هبه=لاعل دعوتك في قلبه وفي جاشه
دعوة أنسان(ن)سرق ماله ولعبه=خسر شقا العمر جاب الفقر محتاشه
ماله جدى غير يرفع يده للربه=يدعي على السوق واللي فيه غشاشه
سوق(ن) مريض(ن) وضاع أعلاجه وطبه=يأكثر ماشوف ناس(ن)منه منحاشه

هذه القصيدة للشاعر/ عبيد الله دعيع الرشيدي** حبيت أنقلها لكم

الموضوع الأصلي: قصيدة عن الأســـــــــــــــــــــــــــــــهــــ ــــــــــــــــــــــــم | | الكاتب: عبيد الله دعيع | | المصدر: شبكة بني عبس

[بنت العبسي]

قصيدة راائعة الف شكر على النقل وصح لسان الشاعر

[عبيد الله دعيع]

أختي بنت العبسي أشكرك على مرورك وصح الله السانك

[الولد العبسي]

الصراحه الصراحه القصيده جميله جداجداجدا ومع الف تحيه

[عبد العزيز]

صح لسان الشاعر وقصيده جميله جداً

والف شكر لك على النقل


تقبل مروري

[عبيد الله دعيع]

الولد العبسي أشكرك على مرورك وعلى كلامك الطيب حفظك الله

[عبيد الله دعيع]

أخي عبد العزيز عايض شكرا(ن) على مرورك وصح بدنك وأسعدني كلامك الطيب وهذا من طيب أصلك ياغالي** لك خالص تقديري وأحترامي

[مبارك الشويلع]

صح لسانك ولسان شاعرها

قصيده معبره

ننتظر جديدك الجزل المفيد

ولاهنت