[نجا الرشيدي]

الاخــوان والـخـوات اعـضــا وزوار منـتـديـات قبائل بني رشـيــد الـكــرام
وصلتني هذه القصيده مسج عبر الهاتف النقال وقائلها لم يرد على الهاتف
ورديت عليهـا وبعـد ان تـم الردعليهـا وارسالهـا مسـج ردعلـي شاعرهـا
وهـو مــن اعــز اصدقـائـي وكــان متعـمـدا بـذلـك و مــن بــاب الميـانـه
وهــــــــــو الـــشـــاعــــر مـــســــلــــم الـــحــــمــــد الـــرشــــيــــدي



يـــالله يـــاعـالـم خـفــا كـل مهـمـوم = انـت العـليم بســرهـا ومعـضلـتهــا

تفـرج العيـنـن حـــاربـت لـذة النـوم = ان قـلت هـيـدي جـاوبت واذرفـتهـا

هجسٍ يعـــاودهـامـــن العـام للـيـوم = لاقـلت طــابـت يانجـا عــاودتــهـــا

اسباب مـــاعـديت فـــي راس لملـوم = يـالـيـت رجـلي يانجــا مـارقـتهـــا

طرقت شوفي مع مشاريــف وحـزوم = واللــي يكـنه ضـامـري عـبـرتهـا

ذكـرعـلـيـه مـن مـواريـــد ورســــوم = يـوم البـداه الاولـه فــي طـرتـهــا

اللي من الاصحاب واللي من القــــوم = كـثـرالسـنين المرمسه مامحتهـا

مـريـت في ديـران مـن يـذبح الكــــوم = عـلى الرخـا ولاعلى معـسرتهــا

اللـي ربـيـنا فــي كـنفـهـم عــن الـلــوم = عسى الجنان الخضرهي منزلتها

وعسى السحاب اللي من الغرب دلكوم = يسقي ديارن سادتي عــايشتهــا

ديـــار مـن تــروي حـذا كـل مـسـمــوم = بـنـي رشيد افـعـولهـا وارثـتـهـا

زبن الـدخـيـل اللي من الضيم مهضـوم = كل العـدا من فـعـلـهـا هـايـبـتهـا

وخــلاف ذا وصــل ســلامـي لـشغـمـوم = هوريف من قشر السنين اتعبتها

قــل يـانجـا تــــراك بـالطـيـــب مـلــزوم = أيـديـك هـامـات العـلا طـايـلـتـهـا

يـاذيـب جـاوب ذيـب والعـلـم مـفـهـــوم = اسـرح مع الطـاروق ومجـاريتها

وصــــلاة ربــي عــــد الايـام والصـــوم = عـلى النـبـني الهاشمي خـاتمتهـا








فرديت عليه بهذه القصيده امل ان تنال رضاكم



يــامـرحـبا تـرحـيـبـتـاً دايـم الــدوم = تــرحيـبـتـاً مثـل العـسـل في صفـتهـا

حـيـيـت تـرحـيـبت مقـدرومحـشـوم = بـرسالتن جـتـني وفـي ماحـتـوتـهــا

جتني رسالة من من الوقت مزحوم = يـذكـرسنيـنـن مـاضـيـه وزهـرتـهــا

ذكـرى لـيالـن فـايـتـه عـدها حـلـوم = لاشــك تـبـقـى بــالحـشـا ذاكــرتـهــا

عــزي لمـن مثـله مـن الهم ماسـوم = سـبت جـروحـن مهجـته مخـفـيتهـا

يـالهـاتـف النقـال خـذ مـنـي عـلـــوم = ود الـرسـالـه يـم صـيـبـة جهـتهــا

لياصـرت فـي رد التـمـاثـيـل ملــزوم = نفـسي جـزيـلات البيوت اشتهتها

ابـيـع واشـري بـالتمـاثـيـل واســـوم = واخـذ من الجـزله نظيف اثمرتها

رداً عـلـى قـرمـاً تسلسل مـن اقـــروم = يمناه طـولات المعـال اكسبتـهــا

يـشــوم للعـلـيــا وانـــا مـثـلـه اشــوم = والنفس هـومـات العـلا قـابلتهــا

الــوقـت يـامـا فـيـه معـطـا ومحـــروم = دنـيـاً يابـن عمي تـدور اعجـلتهـا

يالحــر الاشـقــر لاتـراخـا مع اللـبــوم = اكفخ بجنحان السعد في سعـتهـا

مـــادام جــنحــانــك تـــوديــك للحـــوم = خـل الـرخـوم الابـده بشجـــرتهـا

اتـرك نفـوسـن تـنـقـل الكـبـروالــــزوم = نـاسـاً تـشيل الكبر في نـــاحـيتهـا

عـلـيـك بـالطيـب لياصــرت مــزحـــوم = واهل الحضوض اللي كبيرن بختها

وبـنـي رشـيـد الهـم قـوانـيـن وسـلـوم = كـل القـبايـل بالـوفــاء خــابــرتـهــا



وسلامتكم ودمتم بكل ود ومحبه

الموضوع الأصلي: (( طرقت شوفي )) (( يالهاتف النقال | | الكاتب: نجا الرشيدي | | المصدر: شبكة بني عبس

[فهد المويسه]

قصديتان رائعتان مشكور على نقلها لنا يا بو فيصل

وفي انتظار المزيد من ابدعاتك وخصوصن المواضيع التراثيه والقصايد الغزليه

وتقبل سلامي

[الاجهر]

صح ىالسانك وعلاء شانك ولاهان صديقك
تقبل تقديري وحترامي

[مسندالعويمري]

نجا الرشيدي

صح السانك وصح السان صاحبك على هل قصيدتين

بيض الله وجيهكم

[نجا الرشيدي]

فهد المويسه صح بدنك يابوعبدالله ولاهنت يشرفني مرورك يالغالي وطلبك على الراس والعين

[نجا الرشيدي]

الاجهر لاهنت ولاهان قلمك الطاهر يشرفني مرورك يالغالي

[نجا الرشيدي]

مسند العويمري لاهنت ولاهان قلمك الطاهر يشرفني مرورك يالغالي

[القاضي1]

شكراً لك اخي الكريم