[فهد المحيش]

مشاركه أولى أتمنى أن تحوز على رضــائكم

يا لله يلي تعلـم السـر والغيـب=ياواحدن كـل المـلا تلتجـي بـه
تفرج لنا من كل هـم وعواقيـب=وتقسم لنا من خيرك ألـي تجيبـه
وقفت انا من بين كل الاصاحيـب=وقفت حبيـبً فاقـد لـه حبيبـه
واخذت اجر الصوت مثل المصاويب=الي من الفرقا جروحـه عطيبـه
اصيح واقنب مثل ما يقنب الذيـب=ذيـبً حـداه الـي تزايـد لهيبـه
كله سبب سيد البنـي والرعابيـب=الجادل الي عنبر ومسـك طيبـه
حبه يشذب مركز القلـب تشذيـب=همت بعيونـه دون شـكً وريبـه
أبـو عيـونً ناعسـات مهاديـب=من مرهن حلت عليـه الضريبـه
ألي صدوده شيب الراس تشييـب=سبحان خلاق النفـوس العجيبـه
وأنا مضتلـي فالمحبـه تجاريـب=لاشك حبه صرت أنا مبتلـي بـه
يا هيه يلي توصلـون المكاتيـب=حبل الوصل من بيننا ماسعي بـه
جازيت كل البيض بعـده بتجنيـب=أما يجـي بالطيـب ولا غصيبـه

وسلامتكم

فهد المحيش

الموضوع الأصلي: -&( سيــــد الـرعابيــــب )&- | | الكاتب: فهد المحيش | | المصدر: شبكة بني عبس

[مرزوق العجوني]

صح لسانك يافهد قصيده رائعه من شاعر رائع لا هنت

وتقبل تحياتي...

[فهد المحيش]

صح بدنك يا مرزوق ولاهنت على المرور الرائع

[سعود الاجهر]

[SIZE="3"]صح لسانك يا فهد المحيش[/SIZ E]

[فهد المويسه]

صح لسانك يا بو شنوف

وقصيده جزله ورائعه

وتقبل سلامي

[عيسى المويسه]

صح السانكـ


قصيدة رائعه وجزلــه


لاهنت على الابداع

بانتظار جديدكـ




...

[عايض بن صالح]

صح السانك يافهد على هذه القصيده الطيبه

تقبل تـــــــــــــــــــــحــــــــــياتـي

[مسندالعويمري]

صح السانك يافهد على هذه القصيده الطيبه