[ولد حائل]

اخواني بخصوص مزاين البل لقبيلة بني رشيد

اولا فيه اشاعه تقول الدولة منعت مزاين البل للقبائل وهذي اشاعه 100% الشهور الجايه فيه مزاين لخمس قبايل منها سبيع والسهول بشهر ثمانيه الهجري وتجهز كل شي ومزاين قبيلة عتيبه بشهر 10 الجاي وحددوا كل شي ونتشر بالجريده والمجلات

وين الي يقول ان الدوله منعتها ؟؟؟؟؟

بني رشيد اكثر من نص مليون بالمملكة وللحين كلها افكار مزاين ماشفنا تحركات ولاافعال نبي تحركات ياعبس والدعم من كل عبس ماحد بيقصر

القبايل تتسابق على اقامه المزاين وحنا ماحد يتحرك ؟ نبي مزاين ويكون بحايل افضل شي وين شيوخنا وينهم هذي وقفتهم الي منتظرينها حنا منهم

ولكم سلامي

الموضوع الأصلي: مزاين بني رشيد حلم ولا حقيقه ( ضروري الدخول) | | الكاتب: ولد حائل | | المصدر: شبكة بني عبس

[النجم]

اضم صوتي لصوتك وهذا نداء موجه للشيوخ اين المزاين للقبيلة

ننتظر وثق بأنهم اذان صاغية وسوف ينفذ بأذن الله تعالى ولكن هليك بالصبر

تحياتي عبدالله المهيمزي

;) ;) ;) ;)

[الاجهر]

اظم صوتي الى صوتك

ولا يوجد نظام يمنع اي نشاط - ولا يمكن للدولة ان تستطيع المنع بل يجب الزام اهل المزاينات بالتعليمات الهادفة بتلافي اي ملاحظات وتعزيز القوات لحفظ الامن ومراقبة مايدور .

ياليت شاخنا ابن براك يفكر بهذا الموضوع ويعلن لرشايدة على كل رشيدي دفع خمسون ريال فقط ويسويلنا مزاين مثل القبائل .

الاجهر يحييكم

[مسندالعويمري]

اظم صوتي الى صوتكم

[ذيب النوامسه]

الله من الحرار الاصايل عند بني رشيد ونحن دايما اخي الكريم نقيم مسابقات ومهرجانات ومنها المشي من الحليفة الى منطقة حائل على الهجن بمناسبة شفاء الامير مقرن
ولا هوغريب عندنا
حنا اهل الجيش والخيل حنا بني عبس حنا احفاد حذيفة ابن اليمان رضي الله عنه ولا هو قصور في جميع القبائل
ان حصل مزاين نعمه وان ماحصل ابلنا وخيولنا مكانها اقلوبنا
والله انه ودي نسوي مثل القبائل كلهم حطو مزاينات
الامل بشيوخنا كبير وهم اصحاب الراي الاول والاخير
اخوك ذيب الشعباني النومسي

[ابو عبدالعزيز]

أشكرك على هالموضوع الرائع وهذا يدل على تحمسك لما فيه الخير لقبيلتك أنا شخصيا سوف أجري أتصالا تي لبحث هذه الفكره .

[فواز الدواي]

انشاء الله بسيطه

وبني رشيد تسوي
اكبر من المزاين

ولاهي غريبه عليها

دايم ولله الحمد وهي بالمقدمه

ابشر بالخير انشاء الله

دمت بود

[أحمد بن حماد]

والله ماهي غريبة التفاعل من ابناء هذه القبيلة ولاكن ................... ؟

نحن نظم صوتنا الى اصواتكم وندفع دم قلوبنا لكل ماهو يؤدي إلى رفعة القبيلة ومساوتها بما تفعل القبائل الاخرى


وللمعلومية

هناك رجال يطالبون بذالك وسوف أزف لكم البشرى في حالة أخذ الموافقة



أحمد بن حماد