[سعد الفلاح]

الـسـلام عــــلـــيـــكـــمـ ورحــمــة الله وبركاته

أٍسعد الله أوقاتكم في كل وقت

أقدم لكم قصيدة الشاعر عادل عوض الرشيدي وهي بعنوان
( القصايد )
وأتمنى أن تنال على أعجابكم

ياذا القصايد تجينا من ومن منه=كلن يجي حسب هوماته ومنظومه
خبلن لاغنا يضيع الصوت بالخنه=يبغا أيتهجا وسماه أقرب من أنجومه
وخبلن في بحره ولحدن دارين عنه=غارق يصايح وموج البحر ميعومه
مدري علامه يون ويزعج الونه=منهو يقول أنله بالشعر له دومه
داجن مدجج وفيه النفس مستنه=مغرور بسمه ومنه الناس ملطومه
نهاية القايد اللي مقدين فنه=ماله معينن ولاهو قد للقومه
من نصايح عسى يسعد ويرضنه=ويسمع لها كل يوم وينضبط يومه
ماطيب الدله ألا الهيل والبنه=والحر لولا سماته خاشر البومه
والناس كلن له أوصافه ويزهنه=مقصر أكمومه أو أمطول أكمومه
والطيب اللي يحفط الشرع والسنه=مايشين قلبه لو أنه شانت أرسومه
يامطرد الشعر مايوردك للجنه=أن طعتني وشتبا بالشعر وحلومه
الشعر للشاعر اللي لاحضر جنه=يصنعلك السالفه لو كان معدومه
عذب السجايا وعوده باول الكنه =متى تزين السوالف وآخذ أعلومه
من قالها واحد أشهد وشهدن أنه= ماله مثيلن مع العالم ولا قومه
مساعد اللي بيوته ماخلفن ضنه=حرن شلع للثريا وبعد الحومه
أسمع كلامه وصوت الجرح والحنه=قلد هدومه ولو ماتقدر أهدومه
هذي نصيحة ثمينه وستمع منه=نصيحتن في ختام المسك مختومه

الشاعر:عادل عوض الرشيدي

الموضوع الأصلي: ^...القصايد...^ | | الكاتب: سعد الفلاح | | المصدر: شبكة بني عبس

[مسندالعويمري]

رائعه ياسعد الفلاح

اشكرك على النقل وعلى حسن الاختيار

وسمحلي في نقل لي منتدى الشعر الشعبي

[سعد الشقل]

صح اللسان عادل عوض

والله يعطيك العافيه على نقل القصيده الرائعه

[سعد الفلاح]

اقتباس من مشاركة مسندالعويمري رائعه ياسعد الفلاح اشكرك على النقل وعلى حسن الاختيار وسمحلي في نقل لي منتدى الشعر الشعبي

شكرا" على مرورك وشكرا" على النقل

[العريض]

حجاج العريض صح لسان عادل عوضهههههههههههههههه

[ابوخالد الرشيدي]

صح لسان شاعرها

ولاهنت على النقل

[فيصل الرشيدي]

والطيب اللي يحفط الشرع والسنه=مايشين قلبه لو أنه شانت أرسومه

الله الله الله


قمة الابداااااااااااع .. جزلة من راس جزل ..

صح لسانه وبيض الله وجهه ...

وتسلم عسى تسلم من الشر يمناك يا ابوفلاح على النقل الرائع ..

[بنت العبسي]

صح لسانه

والف شكر لكً اخي الكريم على النقلة الراائعة