[رشيد]

.
.


دوك الدموع وهاك باقي هداياك
يكفين ماعشته وأنا أحاول أرضيك


الفرق شاسع بين هجرك ولاماك
الله حسيبك كيف ماكني أغليك


في كل عمري لو تمنيت يفداك
يا مستريح البال من قلبي أبكيك


فجعتني والله وأنا أقول حياك
صديت عني يوم أنا مغرم فيك


حديتني وان غبت لاشك ابنساك
حيثي عرفت أسرار قلبك وخافيك


أول وقلبي لا من أقفيت ناداك
واليوم لو ناديت ماهوب يوحيك


عاف العذارى من سبايبك واغلاك
ضيع سنينه بين هذي وذوليك


مر تقول اشتاق لك حيل واهواك
ومر تعيشني بحيرة وتشكيك


درب النهاية خطته كف يمناك
لا تنتظر من ضاع عمره يواسيك


مسكين يا قلب على الغير بداك
ارخص حياته لك ولا أظن يرجيك
..
.
-

#شعر
محمد بن عبدالله الوهيبي
.
.

الموضوع الأصلي: دوك الدموع | | الكاتب: رشيد | | المصدر: شبكة بني عبس