[الوافي 100]

الى الشاعر الكبير /
غازي نوران ابن عطران البراكي الرشيدي

ياغازي البراك مسيت بالخير=في منتدى موقعك شفت اللباقه
متربعٍ وسطه تقول انك امير=يلحقك من ورث البويضاء لياقه
ياسعد حظك ياخوي المسافير=لا باروا أصحاب النظر والصداقه
الطيب مقصودي مالي مقصدٍ غير=قدمت لك من حلو الاشعار باقه
مد النظر يمكن تشاهد زبيعير=ان كان منت صحيح قطاع ساقه
وان كان ماشاهدت ياخير ياطير=مادامت الدنيا لبعض الرفاقه
مااطرد ورى المفرود و حوير الضير=ريمان ابوه ابعير والام ناقه
لاشانت الدعوى وردنا على بير=بيرٍ مثل هداج حلوٍ مذاقه
الوِرد مثل الورد غير المصادير=اليا انقطع حبل الوصل والعلاقه
حنا سلايل عبس مابه معاذير=حنا بني خنذف ماحنا الحاقه
عاداتنا ندحم جموع الطوابير=اليا انفتح باب الزعل والحماقه
نقدم ولا نحسب احساب المخاسير=ولا المنافق ماحسبنا نفاقه
الادمي دايم بحكم المقادير=امسير ماهو امخير بالانطلاقه
ابتعب الرجلين بالدرب واسير=مايبلش السواق مثل السواقه
عساس ليل وتعبته المشاوير=ماعاد له في بعض الأحوال طاقه


من الشاعر/ المتواضع دايماً:
عبدالحكيم عبدالله رشيد المضيبري الرشيدي

الموضوع الأصلي: الى الشاعر الكبير / غازي نوران ابن عطران البراكي الرشيدي | | الكاتب: الوافي 100 | | المصدر: شبكة بني عبس