[عبدالله الراشد]

ياحافظ ياعقيل الله
.
.
.

الغلطة اللي ماكنت احسب عواقبهـا=اللهٌ العالـم انـك مانـت ناسيهـا*
اجيك واحكي معك والقاك حاسبهـا=واخلق لك الفين عذر ..ولاتعديهـا
ارفق (علي)واسجن اوهامي وعذبها=خل الحقيقة تجي من دون ماحكيها
لاتنكّـد ايامـي بقربـك وتذهبهـا=رد الاحاسيس الاولى يـم راعيهـا
غلطة حياتي معك هـذي سبايبهـا=خلتني ابغض جميع الناس واغديها
ودي اسولف على عيونك واعاتبها=والقى حياتي معك باسعـد لياليهـا
يابخت من يعصر خدودك ويشربهـا=ويطبع على عيونك القبلة ويغريهـا
لاترسم الضيقة بدربـي وتشطبهـا=ولاتحاول تكحل ظنونـي وتعميهـا
اتذكرك تسرق احلامـي وتسلبهـا=واقلّط ايامـك لعمـري واقهويهـا
اذكر تناهيدك اللي كنـت تسحبهـا=والضحكة اللي على شفاهك تخبيها

.
.

ومن الخجل تبرم عيونـك وتقلبهـا=واموت قدام روحي.. والجسد فيهـا
وقصايدي كنت تسمعها وانا اكتبهـا=واللي ماهي لي كنت تقول مابيهـا
من دونك النفس مابة شي يعجبهـا=والناس ماصرت اقربّها ولا اجيهـا
لاتلغي الحـب وايامـي تحاربهـا=ارجع وجرّب حياتك كيف تقضيهـا
رجعني لسنـة افكـاري ومذهبهـا=رجعني اسهر على اشعاري واسويها
والصدمة بدالـك صـرت اجربهـا=كانت حقيقة (بحت) وازريت اخبيهـا

.
.
.

والغلطه اللي كثر صدك سبايبها=للحين باقي على وجهي مواريها

.
.
.
.
.

الموضوع الأصلي: private...new | | الكاتب: عبدالله الراشد | | المصدر: شبكة بني عبس

[عبدالله الراشد]

http://www.shathaaya.com/vb/showthread.php?t=62655


انا هنا

[مسندالعويمري]

اخي عبدالله الراشد


اشكرك على الحفاوه وتكريم في زيارتنا لك في هذا المنتدى وفي هذه الصفحه

أخي أرجو تكرم بموافتنا بسمك الكامل لنعرف من هو عبدالله الراشد ومن أين منطقة

وفي خصوص القصيده

كل اللى اقدر اقوله لك صح الله السانك يا عبدالله


لك اعجابي وشكري وعظيم تقديري

[عيسى المويسه]

الشاعر الرائع / عبدالله الراشد

انت من الشعراء الرائعين في الساحه

ونتمنى لك التوفيق في مسيرتك الشعريه


صح السانكـ على هذه الرائعه


بانتظار الجديد

تقبل تحيتي


...

[مرزوق العجوني]

الاخ عبدالله الراشد

صح لسانك على الرائعه ولا هنت...

ومريت على ديوانك بشضايا واقول لك بعد صح لسانك على الروائع وبيض الله وجهك ولا هنت....

تقبل تحياتي...

[مـآجـد]

عبد الله الراشد

صح الله السانك قصيدهـ كـ العادهـ رائعه

والرائع لا يأتي الا من الرائع

تحياتي وتقبل مروري

[عبدالله معزي]

شكرا لك اخي عبدالله
بصراحه ابـــــــــــــــــــــــــــــــدعت
اشكرك اشكرك اشــــــــــــــــــــــــــــــــــــــــــــــــ ــــــــــــــــــــــــــــــــــــكرك
يـــــــــــــــــــــــــــــــــــــــــــــــــ ــــــــــــــــــــــــــــــامبدع

[عبدالله الراشد]

اقتباس من مشاركة مسندالعويمري اخي عبدالله الراشد اشكرك على الحفاوه وتكريم في زيارتنا لك في هذا المنتدى وفي هذه الصفحه أخي أرجو تكرم بموافتنا بسمك الكامل لنعرف من هو عبدالله الراشد ومن أين منطقة وفي خصوص القصيده كل اللى اقدر اقوله لك صح الله السانك يا عبدالله لك اعجابي وشكري وعظيم تقديري

هلا وسهلا فيك




اتضح لك كل شي عبر الخاص ... ولا


تحياتي وامتناني واتقديري