[رشيد]

.


يوم طاب السهر عيت تطيب النفوس

جت من الله وأنا كم كنت محتاجها

كنها من حلاها كل ليله عروس

خايفه من عيون الناس واحراجها

حي هالطول يا زولٍ عساه محروس

من عبث لوعة الأيام وازعاجها

تزعل نفوس ولا تمتلي غيض روس

من يقرب لها وضلوعي سياجها

لي متى وانت يا شوق القلوب محبوس

طالت السالفه وابطيت بعلاجها

جعل قلبن على نار الغياب محموس

يحترق بين صاليها ووهاجها

من خبر له غلا بين الضلوع مغروس

غرسةٍ كل أبو شعري من انتاجها

لا تقرب لك الفرقا هذيك الهجوس

من متى والبحور تفارق امواجها

لازم أصبر على وجه الزمان العبوس

لين سود الليالي يضحك احجاجها

من بغى يقطع الفرجه يعاف الجلوس

لين ياصل نهايتها ومخراجها

كان شعري قصر ما طال شمس الشموس

تستريح القصايد داخل ادراجها


-

متعب التركي


.

الموضوع الأصلي: كل ليلة عروس | | الكاتب: رشيد | | المصدر: شبكة بني عبس

[حنان العنود]

صح لسانك يامتعب رائع هو عزفك
انتقائك رائع يالرشيدي
سلم الله ايديك على روعة النقل

[كبرياء امراة]

سلمت الأيادي