[رشيد]

.


صاحبي لا تكدّر وانت نعم الصحيب

لا يفتّ بعضودك كل نجمٍ هوى

صرت خايف عليك يجيك وقت المشيب

وانت صوتك سجين بغربته ما دوى

في زمانٍ عجيب وكل ما به عجيب

كل وادٍ بقاعه يحسب انه طوى

فيه طول المراء ومفردات الخطيب

عند عمي المسامع بالمعاني سوى

وانت عايش حياتك بين ناسك غريب

يتبعك في طريقك من طريقه غوى

انتبه لا تراجع لو مقص الرقيب

حاول انّه يشوّه صورة المحتوى

كان ما حال دونك شوف ضيف كئيب

ارفع الصوت كنّك صوت ذيبٍ عوى

شفت شمسك توارت بانتظار المغيب

لين جاها المداوي قال مالك لوى

يالطبيب المداوي زاد جرح العطيب

وحالفٍ ما يدوّر عند غيرك دوى

أنت ساسك عريب وجاك ساسٍ عريب

كيف ورّاد نهرك ظاميٍ ما ارتوى

كان موعد لقانا مع بعضنا قريب

وانت قررت تبعد كيف قلبك قوى

أنت غصنك علوّه يغري العندليب

وكل غصنٍ بعينه غير غصنك ذوى

ولا جبرني لعشقك غير منبر أديب

عاليٍ بالمكان وعالي المستوى


-

الشاعر/ صالح محمد العنزي



.

الموضوع الأصلي: ارفع الصوت | | الكاتب: رشيد | | المصدر: شبكة بني عبس

[كبرياء امراة]

سلمت الأيادي