[سلطان العايضي]

شفني رماد أحلام وحشـة مشاويـر = وأطرق على شبـاك ليلـي غيابـك
وأكسر قناديلي كـذا دون تقصيـر = ياما أنكسر حظي على أعتـاب بابـك
أهديت نبضك من جنونـي تعابيـر = تتلحف بشعـري و تلحـق سرابـك
وأهديت عودك في جفافه عصافيـر = تسترخي بحضنه و تحضـن عذابـك
عودتني و الصبح في دربي يسيـر = أسرح و أصافح في زحامي ضبابـك
وعلقتني بجناح حلمك و لا أطيـر = وعلمتني أسـري سكيـك أغترابـك
مرت سنة أسقي شموعـي معاذيـر = و أنا انتظر هالوقت يجمـع سحابـك
ماتت شواطـي دنيتـي و النوافيـر = ومات الكلام بشفتـي لا حكـى بـك
هذي المرايا تذبـح الحلـم و تغيـر = وذيك الشوارع خالية مـن صحابـك
وهذا الحزن من غيبتك لي طوابير = وهذا المسا مكسور ما قد ضوى بـك
شف صدري اللي ضيقته الأزاريـر = ما فكهـا حلـمٍ علـى الليـل جابـك
وشوف أول أحلامي مسافات و أسير = وشفني عطر يحلـم يعانـق ثيابـك
وشفني مواويل الوجع رحلة الطير = وشفني شجر مات بخناجـر ترابـك
وشفني ظما مطرود من رحمة البير = كلما سألنـي غـاب فينـي جوابـك
هذي سنة و الحال ما عاد به خيـر = شفها شموعي تنطفـي مـن غيابك

عبدالعزيز السعدي

الموضوع الأصلي: رماد احلام | | الكاتب: سلطان العايضي | | المصدر: شبكة بني عبس