[عساف الرشيدي]

بيني وبينك عهد باقى وميعاد
وبيني وبينك ذكري الغرام القديمه
سافرت انشد عنك بديار وابلاد
وبالقلب نارك مثل نار الهشيمه
نار الهوي والبعد والشوق وقاد
وين انت ياغايب غيابك ظليمه
ادري حصل ماصار بالغصب واعناد
ماحدن خذا رايك بيوم العزيمه
لو اللي جري مشروع في سلم الاجواد
قطع الرجاء لاهل المحبه جريمه
احيان اقول الصبر والصبر مافاد
واحيان ماارضا واعتبرها هزيمه
من كنا صغار السن في عمر الاولاد
صورتك عندي بالحنايا مقيمه
لاعدت يايوم ن به افراق وابعاد
ولاعدت يايوم الشقا والحريمه
خليتني هايم علي الوجه سرداد
من شارع لشارع لأخر قسيمه
خليتني ياحب بعيون الاوغاد
مهبول ناقص عقل منقوص قيمه
ياحب ياليتك علي الكيف تنقاد
قود الغريم اليا خضع له غريمه
او ليتك بدون اهموم وازعاج وانكاد
تصفي لنا مالك عواقب وخيمه

الموضوع الأصلي: ذكري الغرام القديمه | | الكاتب: عساف الرشيدي | | المصدر: شبكة بني عبس

[كبرياء امراة]

صح لسانك
أبيات جميله

يعطيك العافية

[راسبه بالحب]

روووعه حروف مميزه راقت لي


صح السانك ابدعت لاعدمنا جديدك

[عساف الرشيدي]

كبرياء صح بدنك وشكرا للمشاركه ودمتم بخير

[عساف الرشيدي]

ناجحه بالحياه وليست راسبه صح بدنك وشكرا للمشاركه ودمتم بخير

[وضاح اليمن]

صح السانك ابيات جميله

[احمد جعفر الرشايده]

قصيده رائعه ، وهي على نهج قصائد عقاب العجرمي من شعرا الاردن ، والمحترفين في تلوين القصائد بالالوان الزاهيه

[أثير الشوق]

قصيده رائعه من شاعر مبدع صح لسانك ولا تحرمنا جديدك