[مقعد العتيبي]

على هجعة عيونٍ ماهناها النوم خمـس شهـور=ثلاث شهور مع شهرين جفـن العيـن سهرانـي
وبعد مانزاح ثلث الليل واستبشر طلـوع النـور=جنون الشعـر ثلـث الليـل تأمرنـي وتنهانـي
تفضل ياهجوسٍ في غياهـب مهجتـي محشـور=بعد مالاح براااق الفـرج مـن غـر الامزانـي
تباشر بالنصر دام النصر قامـت رحـاه تـدور=علـى بـر الامـان وفالامـان وداخـل آمانـي
نويت انحت سخر واقطف ثمر وسبح عميق بحور=بحوراً تستظيـف بقوعهـا لـؤ لـؤ ومرجانـي
أعشق الكايده وآصلهـا لـو دونهـا الشرشـور=لآشاش الراس قوة بـاس يخـدم كـل شيطانـي
كذا طبعي وانا طبعاً لآنـي مغـرم ولا مجبـور=قراده والقـراده فـي طريـق المـوت تحدانـي
هذا مؤجز هذي نبذه بسيطه في ثـلاث سطـور=ثلاث سطور والمجد العفـر رمـزي وعنوانـي
وذا كله لجـل مرسـول عشـقٍ يلتطـم ويفـور=مراسيـل الشكـاوي بالشكـاوي عنـد بيبانـي
على فراش المعـزه والكرامـه نـوّخ المظهـور=وصلـت لشامـخٍ عـز وذرى يامنبـه العانـي
غلآي وسلوتي تشكي من اهل العمي واهل العور=وتندبلـي بصـوتٍ نبرتـه مـن هـم وحزانـي
تبلوهـا رخـومٍ مالهـم مجـد وقصـار شبـور=عواذيـلٍ مهمتهـا تـفـرق جـمـع خـلانـي
ماعاد ابها سكوت ولاش راي ولاستماعت شـور=أبه نصـراً عظيـمٍ يستغيـض أفـلان وفلانـي
تعالي لعنبو حيـك وخلـي خاطـرك مسـرور=حراماً من حزامي ماحسبـت احسـاب عدوانـي
مكاني فوّل الطابـور وأعشـق مقّـدم الطابـور=على هاذي حياة العـود قبـل يمـوت وصانـي
وانا حراً تسلسل مـن حـراراً فعلهـا مخبـور=عشايه مـن مخاليبـي وعـزي روس جنحانـي
انا من عـزوةٍ يـوم الملاقـى والسـلاح يثـور=لها فعلٍ عظيـم وصيتهـا فـي كـل الاوطانـي
رجالٍ تكره البوره ولو بعـض الرجـال تبـور=سهـوم المـوت لآمـن ولعـة شعلـه ودخانـي
على عز ومعزه في رحـاب البيـرق المنشـور=مواقفهم عظيمه لآحضـروا فـي كـل ميدانـي
عتيبه عزوتي حطت على نجد المسمـى سـور=زمانٍ فات يومـن الحصـان بسـرج وعنانـي
لنا فالمجد مجـد وفـي حمانـا يرتعـن الخـور=ويشبع من فرايسنـا الفهـد والذيـب سرحانـي
ذكرت اللـي ذكرتـه والحقيقـه مادخلهـا زور=وانا شاعـر عتيبـي وافتخـر بفعـول جدانـي
هذا قول الصحيح ولا على باق الرجال قصـور=لنا فعل ولهـم فعـل ولنـا شـان ولهـم شانـي

الموضوع الأصلي: غياهـــب مهجتي 0000000000 | | الكاتب: مقعد العتيبي | | المصدر: شبكة بني عبس

[سعد البويدي]

الشاعرمقعدالعتبيي

صح لسانك على هالقصيدة الشامخه

والجزله وتقبل مروري

ولك تحياتي

[هـآوي]

صح لسانك على هالقصيدة الرائعه
والجزله وتقبل مروري
;) ;) ;)
ولك تحياتي

[ثاري الشنيني]

اخوي مقعد العتيبي

صح لسانك على هذه القصيده الرائعه

بيض الله وجهك يامقعد

تعالي لعنبـو حيـك وخلـي خاطـرك مسـرور=حراماً من حزامي ماحسبـت احسـاب عدوانـي

[سعد بن عادي]

الشاعرمقعدالعتيبي

صح لسانك على هالقصيدة جزله ورائعه

بيض الله وجهك

وجديدك يهمنا

دمتم كما تحبون