[عمر عبدالمحسن]

يقولون يا شاعـــــــر قصيدك كثير احزان
واقــــول الشقى نبضي واحاسيس خفاقي

سألت القـــــدر مرة .. متى ترحل الاحزان
وقـــــــــــال انت ما تبرى ولا بالأمل باقي

فلا عــــــــاد ياتيني من اصحابنا شرهان
وينشد عن الفرحـــة وسيع الفضا ضاقي

انا الياس والحسرة وانا موطن الحرمان
وانا الوجــد والعبرة على ساقي اشواقي

تواريت عن ذاتي وانا حاضــرٍ لي شان !
اسوق الصبر نوبٍ وهــــــو نوب سواقي

واشد النضى حـــربٍ على ظالمٍ ما كان !
ولا نلتقي ظــــــــــــــالم ولا جفت احداقي

تمثنى النكـــــد روحي وانا واردٍ عطشان
برمضى الغبن حـــافي مع النوح ميثاقي

عـــــــــــــزومي تقدّيني وانا ميّسٍ بحلان
خـــذ الروح ياربي ترى الموت لي راقي

هــــــــلا بالكفن دامي على دنيتي شفقان
ولا ذقت من ماهـــــا ولا الوقت بي لاقي

عمر بن عبدالمحسن

الموضوع الأصلي: انا الياس والحسرة وانا موطن الحرمان + صوتية | | الكاتب: عمر عبدالمحسن | | المصدر: شبكة بني عبس

[بروفسور الشعر]

صح السانك


تحياتي لك

[عمر عبدالمحسن]

راس ابو مشعاب .. الله يحييك .. وصح بدنك .. شاكر ومقدر ..

[عمر عبدالمحسن]

برفسور الشعر .. صح بدنك .. اشكرك واحييك