[النــايف]

السلام عليكم ورحمة الله وبركاتة
هذة المقتطفات للشاعر/زيد زويد الرشيدي
أمل أن تنال إعجابكم

عديت فوق العقاب وهلت العبرة
يذكر عليه وليفن ساكن بحايل
ياصبر قلبي علئ فرقاة ياصبرة
عامين ياعيد في طيفة ونا أخايل
عزي لقلبن بوسطة كنه الجمرة
.اليا ذكر صاحبه والشعر متمايل
اي والله إني بحبه يومة بصغرة
واليوم دونة رجالن تذبح الحايل
ومن بعدة أجر صوتي جرة وجرة
جرة حزين عليه الوقت متمايل ...
ياكم مرة نصيته مرة ومرة
لكن ياصعبها المرة علئ القايل

‫#‏العقاب‬ أطول جبل بقريه الروضة وبجوارها
****************
انا لي وليفن يوم أسوق القدم يمه
أناظر اصحابي قبل لاناظر عدايه
وياهمي اللي صابني اليوم من همة
تبعثر وراق الشوق وألوح يمنايه
الاياصحيبي النار فالقلب محتمة
ونا خابرك ماعمرك أطريت فرقايه
**************
البارحة مارقت وحالتي حاله
حاله سجينن ومحكومن بالاعدامي
علئ صحيبن بوسط القلب منزاله
ياصعب منساه دام القلب له سامي
من سبته لو دعاني يمه أعناله
لو الخطر والقهر من دونة يحامي
****************
ياصغير السـن وصـل سلامـي للـحبيب

وبلغه اني بـعد فرقــاه ماذقــت المــنامّ

لانظرني والـدي قــال: مريــت الطبــيب

حالتي حاله مريض(ن) فقـد ناسـن حشـامّ

آه ياقـــــلبي اللــي داخــله مثــل اللـهيب
...
سبت اللـي رحــل عنـــي ولا رد الســـلام

آه ياهالـــزمن صــار العـــد و الـــقريـــب

شاب راس الصغير اللي بسن الفطـــــامّ

آه ياهالزمن فيها :الــــــقّــريب غريــّب ..

والبعّيد تحســـبه مــن خـــوال وعمــــام !

من يفكر باهالـدنيـــا يشـــوف العـــجيب

وإن نصحـت الموالـي قــال: مــالك كــلام

والله إني شباب ومن التجـــاريب شيّــب

ونظرتي فــوق رجــم ونظرتــي للامــــام

يالـله إنــي دخـــيلك عــن ردات النصــيب

ويالـله إنــي بعفــوك يــوم حشـــر وقيــام
******
حسبي على اللي هجرْني ليلة الجمعة
ودمــوع عـيــنــي ثـلاث أيّـام سـكـابـه

ماغير أهوجـس وعـيـنـي كنّها الشمعة
ما ذقـت حـلـو الـمـنـام اللي تـهـنّـابـه

ياعـيـد راح الـولـيـف وراحـت الجمعة
من يـوم حلّ الـفـراق ونـسـمـع أندابه

سمعـت عـقـد القـران وهـلّـت الدمعة
واليوم أشـوفـه ولا كـنّـي مـن أحـبـابه!!

الموضوع الأصلي: مقتطفات للشاعر/زيد زويد العويمري | | الكاتب: النــايف | | المصدر: شبكة بني عبس

[الراكــد]

صح لساااان الشاعر زيد العويمري أبيات جزله
وشكرااا لك من الاعماق أخوي النايف

أبيات نالت الاعجاب

[كبرياء امراة]

صح لسانك

احسنت الطرح

[النــايف]

صح بدنك يالراكد وشكرا علئ المرور

[النــايف]

صح بدنك كبرياء امراة
وشكرا علئ المرور

[النــايف]

الاقتباس غير متاح حاليا
صح بدنك
وشكرا علئ المرور