[البارق]

يا صاحبي كل نفسن تشتهي حاجه
وانته ترا الحاجه اللي ميتن فيها
يا نور عيني يا نور القلب وسراجه
يالقمره اللي على دربي تضويها
أنا أشهد إنك ضماد الجرح وعلاجه
وأنا أشهد إن علتي محدن يداويها
يا كود ربي فصيح القول منهاجه
اللي رفع سبع والاخرى موطيها
فرقاك ما تعقب الا الهم و زعاجه
وجروح وسط الفؤاد وفي محانيها
لا مر طاريك صدري وسط ثلاجه
ولا بعدت عني لهيب الجمر شاويها
ياليتني ما عرفت الحب وسياجه
إسياج خلي على قلبي ملويها
الحزن مجتاح لا من عاود أدراجه
مير الصبر غايتي ربي يسويها

الشاعر : سعيد فهيد الشويلعي .

الموضوع الأصلي: يا صاحبي | | الكاتب: البارق | | المصدر: شبكة بني عبس