[عبدالسلام المهيمزي]

بسم الله الرحمن الرحيم

السلام عليكم ورحمة الله وبركاته

محاورة رائعة اعجـبتني انقلها لكم-

شبيب الدقباسي :
يا سلام علي راعـي الوطـن واهـل الزيـاره
عد رش الوبل فوق القـاع وعشـوب النباتـي .
يا هبـوب النـود هبـي واقلعـي عنـا غبـاره
لين يصفي الجو وانشوف النجـوم اللامعاتـي


مستور العصيمي :
مرحبـا ترحيبـة حلـوه ولا فيـهـا مــرارة
تشرح الهاجوس واحلى من حليب المبهلاتـي .
خلهـا بالرمـز وان الحـر تكفيـه الاشــاره
من معه جنحان طار مع الطيـور الطايراتـي

شبيب الدقباسي :
احمد الله كل جـار قـام ياصـل عنـد جـاره
من علاوي نجد يمشي حر الي شـط الفراتـي .
بالامـان وبالكمـال الكـل يمشـي باختـيـاره
والحـلال مكيـف فـوق العـدود وبالفلاتـي

مستور العصيمي :
بشروني يـا شبيـب وعنـك سلمـت البشـاره
والبـقـا لله والا عـلـي الديـنـا حـلاتـي .
طب في سوق الشرى والبيع واحـذر للخسـاره
والخسـاره مانبيهـا والسنـيـن مطـولاتـي


شبيب الدقباسي :
وانت والله يا العصيمي مثـل در فـي غضـاره
ماتبـذ النفـس وتـوط النفـوس الطاغياتـي .
والخسـاره لا توصـي باخـص درب التجـاره
قد شريت وبعت بالاسـواق مـا ضيـع حياتـي

مستور العصيمي :
مـا تغيرنـا ولا شفنـا مـن الدنـيـا غـيـاره
والنفوس اخـوات وان الباقيـات الصالحاتـي .
مير بعض الناس دربه فيـه غـش وفيـه بـاره
جامـع الثنتيـن والثنتيـن فيهـن افتخـاتـي

شبيب الدقباسي:
يا العصيمي شب نـارك صاحبـك ولـع بنـاره
مانبي هاللون مدح ولا يصـح النـا السكاتـي .
كـان سالـم دق قلبـه منـك خلـه حـول داره
فيه غيره يا ابو تركـي ينطحـون الموجباتـي .

مستور العصيمي :
اول الاسـلام يـوم بــلال يــذن بالمـنـاره
مايحاسب يـا شبيـب الحـي قـدام المماتـي
وان دخلت اصخونة قستـه بميـزان الحـراره
وان سلمت من الصخونه ما سلمت من الشماتي


شبيب الدقباسي:
لا وقف قدامنـا شاعـر نبـي نظهـر اغمـاره
لو يلف ولو يدور ولـو يجيـب المعجزاتـي .
والمعزه لك معزه يـا هـوى ناقـض اجمـاره
مير بالميـدان مثـل ذيـاب طـارده الزناتـي


مستور العصيمي :
من غدالـه ديـن يفهـم صاحبـه ياخـذ بثـاره
وانت مانته جاهلن بالوقت مع سبـع اللغاتـي .
ما يحوص ولا يروغ الـي حصينـي المغـاره
مـن معـه مـن يمـده باليديـن الطايـلاتـي

شبيب الدقباسي :

انت تكرم يا ابو تركي نمر مـن روس النمـاره
مير سامحني الى زليت واحـرص للوصاتـي

الموضوع الأصلي: شبيب الدقباسي ومستور العصيمي ـ | | الكاتب: عبدالسلام المهيمزي | | المصدر: شبكة بني عبس

[راعي الشلفا]

عبدالسلام المهيمزي بيض الله وجهك على نقل هذي المحاوره التي جمعت شاعرين من ابرز شعراء الجزيره العربيه وصح لسان شبيب جعيلان الدغباسي ومستور العصيمي والله يطول بعمارهم

[الجحش]

عبد السلام المهيمزي
والله عندي احسان قديم انك ماتقدم الا كل جميل بيض الله وجهك على نقل هالمحاوره الجميله وانت اجمل


اخوك الجحش

[عيسى المويسه]

عبدالسـلام المهيمزي


لاهنت وبيض الله وجهك على نقـل هذه المحاورة

للشاعر الكبيـر/ شبيب الدقبـاسي والشاعر/ مستور العصيمي

ونتمنـى المزيــد من هذه المحاورات


تقبــل تحيتي



...

[عبدالسلام المهيمزي]

وعليكم السلام ورحمة الله وبركاته

تشرفت بمروركم

وشكرا لكم_

[سعد الفلاح]

الله يعطيك العافيه على النقل وتسلم يمينك ولاهنت

[ابو بيان]

شكراً لك اخي الكريم على نقل المحاورة الجميلة الله يعطيك العافية ماقصرت تسلم يمينك

[رويبح رباح العويمري]

شكراً لك اخي الكريم