[المقوعي]

بسم الله الرحمن الرحيم

لايخفى عليكم ما يدور في بعض المنتديات(خاصة المنتديات القبلية) من تمجيد للذات وجحود للآخر
وما يخالط ذلك من الاعتداء على اعراض الاجواد والطعن في انسابهم وكيل الشتائم لهم.

وقد لاحظت ذلك الشيء المخزي وعبرت عنه بهذه القصيدة المتواضعة
التي ارجو من الله ان تحوز على رضاكم واستحسانكم.

(الـذم مايهفـي للأجـواد مـيـزان=والمـدح مايرفـع ردي المشاحـي)
هذا كلام معـرب السـاس راكـان=انا اشهد انه مـن رجـال الفلاحـي
ذكرت قول الشيخ هذا علـى شـان=يسمع كلامي كل من كـان صاحـي
هاض الرشيدي وابتـدا لـه بقيفـان=فرايـد(ن) مثـل الـزلال القراحـي
مانـي مهـاوي للغناديـر هيـمـان=ولا هاضني برق الحيا يـوم لاحـي
ما حرك الهاجس وثور بي اشجـان=الا كـلام امجـدديـن الجـراحـي
شفت التعصب والجهل يا عرب بان=عود لنـا لعـل مـا لـه نجاحـي
النـت صـارت للمجانيـن ميـدان=كل(ن) طلع له ريش فوق الجناحـي
تجمعـوا فيهـا قليليـن الاحـسـان=القافلـة تـجـري وزاد النبـاحـي
من خلف شاشات الحواسيب شجعان=والـذل يدخلهـم لاثـار السلاحـي
الكل منهـم قـال جـدي كحيـلان=ولافيه مثلي فـي جميـع النواحـي
صلنا وجلنـا بالمعـارك والاكـوان=ولا احدن كسرنا يوم ضرب الرماحي
ويذم عرض الناس زور(ن) وبهتـان=وطعن النسب عنده حلال(ن) مباحي
غلطان يا مسكين غلطـان غلطـان=ولاتخدع العالـم بكثـر الصياحـي
الناس تعرف ما جرى عبر الازمـان=والمجد ما يمحاه يـا هيـه ماحـي
في كل لابـة طيبيـن(ن) ورديـان=في وقتنا الحاضر وفي وقت راحـي
ونهايتك يا ظالـم النـاس خسـران=لابـد ماتـذري عليـك الريـاحـي
في يوم ماينفع قريـب(ن) وخـلان=تشهد عليك ايديـك والسـد باحـي
هـذا ولانظلـم طويليـن الايـمـان=اللي على وضـح النقـا والبياحـي
اللـي يعـدون الحقايـق ابـرهـان=الله يوفقهـم لــدرب الصـلاحـي
نرفع لهـم رايـة تحيـة وعرفـان=ونشكر ثناهـم فالمسـا والصباحـي
وارجع واكرر حكمة الشيخ راكـان=هذا كلام اهل القلـوب الصحاحـي
(الـذم مايهفـي للأجـواد مـيـزان=والمدح ما يرفـع ردي المشاحـي)
واختامها صلوا على نسـل عدنـان=علـى محمـد فالمسـا والصباحـي

الشاعر/ سعد المقوعي

الموضوع الأصلي: هاض الرشيدي وابتـدا لـه بقيفـان. | | الكاتب: المقوعي | | المصدر: شبكة بني عبس

[سعد بن عادي]

صح صح لسانك اخوي المقوعي
وبيض الله وجهك


قصيدة جزله ووافيه

ولا يقلل من شأن القبائل الا الضعيف

استميحك عذار بنقل القصيده الى موقعه الاصلي


دمتم كما تحبون

[نــورا]

صح لسانك

رائعة

[مسندالعويمري]

بسم الله الرحمن الرحيم

لايخفى عليكم ما يدور في بعض المنتديات(خاصة المنتديات القبلية) من تمجيد للذات وجحود للآخر
وما يخالط ذلك من الاعتداء على اعراض الاجواد والطعن في انسابهم وكيل الشتائم لهم.

وقد لاحظت ذلك الشيء المخزي وعبرت عنه بهذه القصيدة المتواضعة
التي ارجو من الله ان تحوز على رضاكم واستحسانكم.

--------------------------------------
وعليكم السلام ورحمة الله وبركاته

صح لسانك اخوي المقوعي

لا حول ولا قوة إلا بالله

الواجب التجاهل لاننا لو نرد عليهم يكبرون فوق حجمهم

تجاهل الصغير اذا كنت في
مكان اعلى منه

[المقوعي]

اقتباس من مشاركة سعد بن عادي صح صح لسانك اخوي المقوعي وبيض الله وجهك قصيدة جزله ووافيه ولا يقلل من شأن القبائل الا الضعيف استميحك عذار بنقل القصيده الى موقعه الاصلي دمتم كما تحبون

صح بدنك

شرفتني بمرورك العذب

لاهنت يا السنافي

تقبل فائق الشكر والتقدير

[المقوعي]

اقتباس من مشاركة نــورا صح لسانك رائعة

صح بدنك

مشكورة على المرور العذب

تقبلي تقديري الجم

[المقوعي]

اقتباس من مشاركة مسندالعويمري بسم الله الرحمن الرحيم لايخفى عليكم ما يدور في بعض المنتديات(خاصة المنتديات القبلية) من تمجيد للذات وجحود للآخر وما يخالط ذلك من الاعتداء على اعراض الاجواد والطعن في انسابهم وكيل الشتائم لهم. وقد لاحظت ذلك الشيء المخزي وعبرت عنه بهذه القصيدة المتواضعة التي ارجو من الله ان تحوز على رضاكم واستحسانكم. -------------------------------------- وعليكم السلام ورحمة الله وبركاته صح لسانك اخوي المقوعي لا حول ولا قوة إلا بالله الواجب التجاهل لاننا لو نرد عليهم يكبرون فوق حجمهم تجاهل الصغير اذا كنت في مكان اعلى منه

صح بدنك

شرفتني بمرورك العذب

والقصيدة يا اخ مسند

اجتماعية عامة لاتخص قبيلة معينة

لاهنت يا السنافي

تقبل فائق الشكر والتقدير

[عبدالله معزي]

صح لسانك اخي المقوعي ;)
كما اشكرك على هذه القصيده:p

كما ذكرت لاحضنا في الاونه الاخير ماتتداوله بعض المنتديات ومايطلقه السفهاء عبر البلوتوث
وهذا ان دل على شي فأنما يدل على الجهل ولاكن كما قال الشاعر
الذم ماطمن كريمن وعابه==== والمدح مايرفع من الناس مجحود