[ناصر خنيفر]

يالربع انا فاقد واحد من رموز الاداره مابين له مده اللي هو سعد عادي عسى ماشر ارجو افادتنا عنه

انكان ماسال عن صديقي ليا غاب= افضل غيابي يالربع من وجودي
ابغا الخبر بالحال عن عرب الانساب= اللي جدوده فرعها من جدودي ههههههههههه
الله يجيره من صواديف الاسباب= اللي عن الطيحه يجود عضودي
العام يومن العرب صارو احزاب= وقف معي بالطيب ماهو شرودي

الموضوع الأصلي: عسى ماشر ياسعد عادي وينك | | الكاتب: ناصر خنيفر | | المصدر: شبكة بني عبس

[سعد محمد]

صح الله لسانك واعتلا شانك

وسعد بن عادي غاالي علينا كلنا وبنسئل عنه

وان شا الله انك بخير وعافيه...

لكن هوو مثل الربيع مايطع إلا ليطاح المطر

والمطر هو شعرك وقصيدك العذب ,,

ننتظر بن عادي

[ناصر خنيفر]

اقتباس من مشاركة سعد محمد صح الله لسانك واعتلا شانك وسعد بن عادي غاالي علينا كلنا وبنسئل عنه وان شا الله انك بخير وعافيه... لكن هوو مثل الربيع مايطع إلا ليطاح المطر والمطر هو شعرك وقصيدك العذب ,, ننتظر بن عادي

شكرا اخي العزيز على الكلام الطيب والرد الجميل

[رويشد]

يامرحبا يالعمده وابشر بعلوم ابو عادي
الرجال الله يسلمك متزوج له سوريه بالسر قبل 5 سنين والثورة فضحته ههه
والرجال شال عفشه واغراضه وراح لهم ، والاخبار عنه قبل يومين انه على حدود تركيا
في احد المخيمات هههه

ما ينكف الا من تعود للانكاف = ولا يقبل الا من علومه جزيله
يابو خنيفر وانت من روس الاشراف = كل ٍ يثمن وقفتك للقبيله
لا عاد به مشرف ولا عاد به قاف = ولا عاد نلقى صاحب ٍ نشتكيله
سبع ٍ سمان وجاتها سبع ٍ عجاف = وكل يطلع مابقى من حصيله
أما يجي للوضع تعديل بانصاف = والا بلاش من اللحون الجميله

[ناصر خنيفر]

اقتباس من مشاركة رويشد يامرحبا يالعمده وابشر بعلوم ابو عادي الرجال الله يسلمك متزوج له سوريه بالسر قبل 5 سنين والثورة فضحته ههه والرجال شال عفشه واغراضه وراح لهم ، والاخبار عنه قبل يومين انه على حدود تركيا في احد المخيمات هههه ما ينكف الا من تعود للانكاف = ولا يقبل الا من علومه جزيله يابو خنيفر وانت من روس الاشراف = كل ٍ يثمن وقفتك للقبيله لا عاد به مشرف ولا عاد به قاف = ولا عاد نلقى صاحب ٍ نشتكيله سبع ٍ سمان وجاتها سبع ٍ عجاف = وكل يطلع مابقى من حصيله أما يجي للوضع تعديل بانصاف = والا بلاش من اللحون الجميله

هلا ومسهلا اما كلامك لاننفيه ولا نصدقه حتى نستمع لرد الاخوه

حي الله اللي لاطيب الشعرصراف = ياخذ من جداده ويترك حويله
اصادفه لاوقتلي راس مشراف= يرقا قبل لارقا براس الطويله
شاعر وغلف موجز العلم باغلاف= ويبغا دليله مالقاله دليله
رويشد شكا ليه وهو مابه خلاف= وشكواه اقدرها بكل الوسيله
هاذي سوات الوقت من ماض الاسلاف= يروح جيل وثم ياتي بديله
الناس في عطله وسفره ومحراف= كلن بحاجاته مشا في سبيله
اصبر وتات البدو من كل الاصناف= والحي يابده يواجه عميله

[ناصر خنيفر]

لو ماعندي شغل قلت عطنا الطاروق لكن مع السلامه يارويشد

[رويشد]

الله يحفظك يابو تركي وصح لسانك وافي
واما الكلام ماجاك الا الصدق ههه

[البرمكي]

مشكور يالعمده ولاهي غريبه سوالك عن اي عضو يغيب وهذا من طيبك وابو عادي انشالله يسمع الندى ويرد عن قريب او الاداره تفيدنا