[سهل نافع]

السلام عليكم ورحمة الله وبركاته

اضع بين ايديكم هذه القصيده المتواضعه

ارجوان تنال على استحسانكم وعجابكم

يالي تبي عزة وجاهك وهيبتك=خالف هواك ومنبرالهون شوته
ودرن ماريح تحصل سعادتك=كان الموذن مايشوقك ابصوته
والله لوهي بالملاليم خزنتك=ولوتمتطي موج البحرفوق حوته
انكان ماتحرص على ادافريضتك=يطوف فرضك نايمن عن وقوته
لتضيق فيك الارض وتموت همتك=ويسقيك ديموم الشقى عنزروته
بعدك عن المولى ينوخ عزيمتك=وعن السنع يمة هواك امعفوته
والله ماتشم السعاده ابخشتك=مثل الغريب اللي يليم اشتوته
وتعيش عمرك غم واطول ضلمتك=وبليس يهديلك عباته وكوته
تهوامصاحبته ويفخربصحبتك=ويركي على غارب جبينك سبوته
هذي حياتك يالمشقابدنيتك=وحياةمن خمس الفرايض تفوته
لكنك اصح وقوم وركب مطيتك=وخترعن الصحبه مكان اوسموته
القلب يصدى ياالسنافي ابغفلتك=ومجلسك مع رادين الاذمام موته
الذكرالولي يحييه دامت سلامتك=ذكرالله المعبودزاده وقوته
انهض عساربك يعجل هدايتك=ويخرجك من جوالضلام اوخفوته
وفي المقبلات اتعوض اللي تعدتك=وتحياحياة اهل النفوس القنوته

الموضوع الأصلي: بعدك عن المولى ينوخ عزيمتك | | الكاتب: سهل نافع | | المصدر: شبكة بني عبس

[فازع الرشيدي]

صح لسانك
وجزاك الله خير

[سعد بن عادي]

سهل نافع ..

إبداع متجدد في كل نص ..

وقرهود شعري يروي الذائقه والشاهد الله ..

سلامي عليكـ ..

[البرمكي]

احسنت ياسهل شاعر كبير والكبير الله

[بروفسور الشعر]

صح السانك
ابداع

[المشعل]

صح السانك
أبدعت والله يجزاك خير على الابيات الرائعه ..

[جاك العبسي]

صح السانك

على القصيده الجميله