[عايض الرشيدي]

السلام عليكم ورحمة الله وبركاته
اسعدالله أيامكم بالمسرات جميعاً
اخواني واخواتي الأعزاء
متواضعه تعبر عن ماتحتوي بطيّاتها لعل وعسى ان تنال اعجابكم
واسأل الله العلي القدير ان يفك أسر السجين بكر عوض
عاجلاً لا آجلاً انه سميع مجيب الدعاء

سلام يالابتي بالإسم والعدّي=اخص الأدنى واعم اللي من البدّه
بني رشيد الحميا الجزر والمدّي=بالجار والضيف كنزً ماعنه صدّه
نخوه وعز الخوي يوم الردي صدّي=فعلاً يحفظه طليق الوجه وايردّه
علمً يجيبه صدوق العلم وايودّي=يوم أسود القلب من مافيه ماودّه
ستر العفيفات يوم الحرب يشتدّي=ياويل منهو ليا شب الوغى ضدّه
ربعي اسلاحي ليا من البراء ردّي=وهذا نهاراً يبين الأمر من جدّه
صوتً مايلقى صدى يدوي ويرتدّي=مزري ويضّعف قوي الحيل وايهدّه
تكفون ياتاج راسي يانسل جدّي=يامحزمي ياذراعي ساعة الشدّه
الوقت يمضي وحبل الشر يمتدّي=إلا ليا استيصل اجذوره من الغدّه
ياعزوتي ياذراي العلم لايعدّي=واصفوفكم لاتخلخل طول هالمدّه
بيت السحت لو ملاه المال ماندّي=الله يسلط على بانيه وايهدّه
ولاعل يمنن مع أهل العون ماتمدّي=تعيب ويغيب راعيها من العدّه
ياذخري اللي بمثل اليوم والغدّي=انتم هل الاوله مأنتم هل الردّه
اليوم جاء يومكم عذراً مهو ودّي=اللي كتب في جبين العبد ماردّه
لو الدهر ميسمه حامي على خدّي=مؤمن بربي وصبري ماوصل حدّه
إخلاف ظهري جبل ومرادفه ضدّي=وبيني وبينه حمم بركان مسودّه
أنا بكر والسباع تهاب من حدّي=اللي بقمة جبل مايشوف أحد قدّه
وان كان مندون راسي شيء ماسدّي=ارهن رقبتي سداد الثار واسده
مادايم إلا الولي والعمر متردّي=عيشة كرامة وموتة عز ممتدّه

الموضوع الأصلي: بني رشيد الحميا | | الكاتب: عايض الرشيدي | | المصدر: شبكة بني عبس

[مذكر الرشيدي]

صح لسانك قصيدة وافية ورائعه وتحمل النخوه والحميا العبسية

وأسأل الله العلي العظيم أن يفك أسرهـ وأسر من معهـ

[ابوتوتو]

صح لسانك
وقصيدة وافيه من شاعر وافي
وعسى المولى ان يفك اسره وبني رشيد ماقصرو
قامو بما يقدرون عليه من اعمال ولجان في جميع المناطق
ونحن على احر من الجمر والانتضار لاعلان المبلغ الذي يبيض الوجه قريباً
وما تقتضيه صلاحيتي لهذي القصيدة هو تثبيتها بالقسم وامل من الادارة المؤقرة رفع بنر لها

[نواف بن مفضي]

صح لسانك قصيدة