[معيوف ابن زهيميل]

أيها الأعزاء مشرفي وأعضاء وزوار شبكة بني عبس أقدم لكم هذه القصيدة آمل أن تحوز على أستحسانكم:-

ألا يا الله ياربي، تسهل ما بقى واتعين= وتأمرني على اللي فيه خير، وفيه لي خيرة
على الله يا بدايات(ن) لنا، معها ثلاث أسنين= خوي الدرب معها ، لا تكلم قل تقديره
بدايات المتاهه ، رافقتنا من وراء الرأسين= دخلنا بابها الواسع وشفنا أسباب تكبيره
سواحلها سرامد ليل ، ممشاها على وجهين= تظل بها مفاهيم الكهول وتصبح أصغيرة
أروح بعيد عنها لا تهيالي منام العين=أقوم وكل ما انظر حالها تلعبي الحيرة
لزمت الصمت معها في غضب،لَرجع بخف حنين=أطيع السوق لا ما طاع ما حسّب مخاسيره
حشى ما للبراءه في صنايعها إلى هـلحين=رفيف أعلامها إجراحة بعد ما تطق تخديرة
صهيل أخيولها في الليل تقسي والنهار أتلين= هداوة في بواطنها قساوة نارها اسعيرة
تظاهر باللطافه واللباقه والكلام الزين= وتظهر في محياها علامة دوروا غيره
تصيد بلطفها مغرم هوى ، وتلبسه نعلين= يصير لها سفير لعرقلة مجده وتأخيره
تفنن بالتأني ما تعجّل ، تشرب النهرين=عن الشمس اللهيبة ،تستظل بحبة أشعيرة
رجاء عفو اللئيم ،أقسى من الضربات بالسكين=ولا يرضا رجاه إلا ،أنفوسٍ ما بها غيرة
عرفنا الصفحة الحمراء نقاط أحروفها لثنين=عبارة واضحة(ماهي شعورا للي خسر ديرة)؟
حضارتها قديمة ، من زمان قصورها من طين=تغنى في بياض أخدودها التاريخ والسيرة؟
شعر بالحزن والفر قاء جداه الصفق بالكفين=يروح اشوي ويناظر خلاف ، الد مع تعبيره
نشاركه الأسى ، زودٍ على طعونٍ لها عصرين=أليا من جت، تبا تبرا قنص مقرود في طيره
يروح وليته أليا راح ما يهرج كلامٍ شين=يخليها سموحة خاطر ويثني على الجيرة
لكن أدنى الجمائل ما يتحمل فعلها المسكين=يبا صيد الفلا يبراه ، ما يتعب مداويره
مآسي يا شروق الصبح ما ندري بتاصل وين؟=بعلم الغيب عند الله ، ونطلب منه تيسيره
عسى تخفيف ذنب ويكتب الباري لنا التمكين=يزيل الغمة وبدر السماء تصفي مناويره

معيوف ابن زهيميل

الموضوع الأصلي: اللطافة واللباقة والكلام الزين | | الكاتب: معيوف ابن زهيميل | | المصدر: شبكة بني عبس

[الجـــــادل]

مآسي يا شروق الصبح ما ندري بتاصل وين... بعلم الغيب عند الله ، ونطلب منه تيسيره

صح لسانك ولاهنت اخوي معيوف

قصيده جزله لاهنت

تقبل تحيتي

أختك الجادل

[صالح سعود]

مآسي يا شروق الصبح ما ندري بتاصل وين؟
بعلم الغيب عند الله ، ونطلب منه تيسيره
عسى تخفيف ذنب ويكتب الباري لنا التمكين
يزيل الغمة وبدر السماء تصفي مناويره




الشعار / معيوف بن زهيميل


صح لسان ك


وسلم بنانك


لافض فوك


تقبل تقديري الخالص ..

[بدر الحشية]

رجاء عفو اللئيم ،أقسى من الضربات بالسكين
ولا يرضا رجاه إلا ،أنفوسٍ ما بها غيرة
عرفنا الصفحة الحمراء نقاط أحروفها لثنين
عبارة واضحة(ماهي شعورا للي خسر ديرة)؟
صح لسانك اخوي معيوف وقصيدة رائعة
كل عام وانت بخير

[أنكسارحلم]

الاخ معيوف ابن زهيميل

صح السانك على هذه القصيده الرائعه

الحقيقه ابداع لايوصف من شاعر متمكن وعنده

سلوب في رسم المعنا وحبك القافيه لله درك

وكل عام وانت بخير

[عبدالعزيز الخياري]

على الله يا بدايات(ن) لنا، معها ثلاث أسنين
خوي الدرب معها ، لا تكلم قل تقديره
بدايات المتاهه ، رافقتنا من وراء الرأسين
دخلنا بابها الواسع وشفنا أسباب تكبيره
سواحلها سرامد ليل ، ممشاها على وجهين
تظل بها مفاهيم الكهول وتصبح أصغيرة


الشاعر معيوف ابن زهيميل


صح لسانك


قصيده وافيه من وافي

سجل إعجابي ، وكل عام وانت بخير

[سلطان العايضي]

مشكور أخوي على هذه القصيدة...

قصيدة جزلة في معانيها ,,,

لاتحرمنا من جديدك ونحن بالإنتظار ...

دمت لنا بود....

[ابوصالح]

ألا يا الله ياربي، تسهل ما بقى واتعين
وتأمرني على اللي فيه خير، وفيه لي خيرة
على الله يا بدايات(ن) لنا، معها ثلاث أسنين
خوي الدرب معها ، لا تكلم قل تقديره

الله الله الله

بداع وروعه صح السانك وعتلا شانك

شكراً لك اخي الكريم