[عايض الرشيدي]

السلام
عليكم ورحمة الله وبركاته
مدراء ومشرفي وأعضاء وزوار
منتديات قبائل بني رشيد
أسعد الله أوقاتكم بكل خير
يشرفني ان أكون أحد أعضاء هذا الصرح الشامخ
بين أهلي وربعي وعزوتي رخاء وشده
ويكون مروري مرور الكرام بين الكرام وأفيد وأستفيد ان شاءالله تعالى
وإليكم هذه القصيده المتواضعه وهي أول قطره من وبل غيث الشعر
بكر بنت الفكر
وا لمشاركه الأولى لي
تقبلوها كما هي
عسى ان تنال إعجابكم

مـا أخـذت ثـار اكليـب ياسـالـم الـزيـر=مافات من يوم (ن) عليـك امحسوبـي
طبع الـدهـر بـيـن ارتـفـاع ومحـاديـر=يـزيـن بـعـض أوقــات ويشـيـن نـوبـي
فـي حـامـي الكـنـه عـلـى طـيّـة البـيـر=ازريت افيق من الضما مـن اغروبـي
فـي منتـصـف مـربـاع سـيـد الغنـاديـر=وقفـت حـايـر منـزعـج مــن اسلـوبـي
مكسور خاطر وألـزم الصمـت تشفيـر=عـن نـار قـال وقيـل نـاس(ن) حكوبـي
القـلـب يكـفـخ مـثـل مايـكـفـخ الـطـيـر=ويومي كما أومـاي الشجـر بالهبوبـي
أفـتـر دولاب الضمـايـر كـمــا الـسـيـر=يـدق بــه هـاجـوس مــع كــل صـوبـي
دكــت همـومـه بـيــن ورد ومـصـاديـر=شرق(ن) وغرب ومن شمال وجنوبي
وصـاحـبـي عـنــي حــدتــه الـمـقـاديـر=بـيـنـي وبـيـنـه ســكــر(ن) الــدروبــي
بـحـال عـنـي بـعـد لـنـدن عـــن الـنـيـر=وإلا بـحـال أقــرب مـــن زرار ثـوبــي
عـذب الخـدود ابــو النـهـود المزابـيـر=قـلـبـي بـحـبـه عـاصــي(ن) مايـتـوبـي
طيفـه يصـورلـي مــع الحـلـم تصـويـر=افـــــز لاشـفــتــه وانـاجــيــه دوبـــــي
ولايستجـيـب لـصـوت داعــي بتعـبـيـر=صـورة خيـال بــدون نـفـس امحبـوبـي
واصـيــر مـثــل المـنّـجـم دون تفـكـيـر=حـلـم(ن) يـسـوّي هالطبيـعـه كـذوبــي
الله يــذكــر ذيـــــك الأيـــــام بـالـخـيــر=يــوم ان أنــا ويّــا الملـيـح العـجـوبـي
أخـذت فـي روضـة غـرامـه مشـاويـر=كلن(ن) شرب من صافي الحب كوبي
حـبـي وحـبـه صـــدق مـافـيـه تـزويــر=الله يـعـلــم فـــــي خـفــايــا الـقـلـوبــي
جـاهـل وأنــا جـاهـل ولـلـحـب تـبـريـر=حكمـه مجـاز(ن) فيـه بعـض العيوبـي
يقول ويـش الحـب شـرح(ن) وتفسيـر=وأقـــول لـــه وأنـــا خـفـوقـي يـذوبــي
خلـك عـلـى حشـمـه وشيـمـه وتقـديـر=وأبـعـد مـعـي عــن مايثـيـر العـزوبـي
يـامــن تـخـدّرنــي بـحـمــر ومـغـاتـيـر=مــن بينـهـن حـلــو المـصـفّى يـروبــي
العـب علـى كيفـك وصــم يــوم تكفـيـر=كانـك تحسـب انـك علـى بــاب طـوبـي
يمكـن بـمـا سـويـت تـجـزاء زمهـريـر=وأنـــا بـمــا سـويــت يـغـفــر ذنــوبــي

وسلامتكم
أخوكم كلكم
عايض الرشيدي

الموضوع الأصلي: ())))))( خلك على حشمه )(((((() | | الكاتب: عايض الرشيدي | | المصدر: شبكة بني عبس

[سعد البويدي]

[size="5"]شاعرعايض الرشيدي

صح لساااانك على هالقصيدة الجزله

ونتظار جديدك

ولك تحياتي

سعدالبويدي[/size]

[أبونواف]

صح لساااانك على هالقصيدة الجزله

ونتظار جديدك

ولك تحياتي

ابونواف

[عايض الرشيدي]

أهلا
وسهلا
الأخ العزيز
سعد البويدي
صح بدنك من كل شر
لاهنت
أشكرك على حضورك ويشرفني مرورك العطر
تحيتي وتقديري
دمت بحفظ الله

[سعد الشقل]

عايض الرشيدي

صح اللسانك علىى القصيده الرائعه

وفي انتظار جديدكـ

[سعد الفلاح]

حياااااااااك الله ياضيفنا العزيز ويامرحبا مليووووووون

وصح أللسانك على القصيده التي في قمة الأبداع لو نريد الوصف عنها يعجز الوصف فيها ولاتحرمنا من جديدك وسجل أعجابي ولاهنت يلغالي


:p :p :p

[صاطي الرشيدي]

عايض الرشيدي صح للسانك قصيدة في منتهى الجمال والله يعين من يفقد حبيبة ويقرا القصيدة واشكرك على هذة الابيات الجزلة ولاهنت

[عبدالعزيز الخياري]

مرحبا حياك الله في منتديات قبائل بني رشيد وجودك يهمنا

ويامرحبا مليون ،،،،


وصح الله لسانك على هالقصيده الوافيه وانا من المتابعين لقصائدك والمعجبين

بها فلا تبخل علينا بجديدك

تقبل تحياتي وتقديري لشخصك الكريم