[سموالمعالي]

بسم الله الرحمن الرحيم

هذه القصيده موجهه الى الشاعر/عيد بن مربح الرشيدي

ياعـــيد صدقان الرخاء عدهم قوم احسب حساب القوم علمً.ن. وكادي
يـابو غريب اللي به الطيب ملزوم ضــد الخـــصيم اللي بِشره يــنــادي
انـا اشهد انك كاملً.ن. مابك علوم دون الـــقبيله واقـفً.ن. للاعـــادي
لاتنخدع لاهل السواليف وعلـــوم بعــض السوالف ماوراها حصادي
يعجبك بلسانه ترى القلب مسموم ســـم القريص اللي به السم زادي
ترى الردي لو يبذل الطيب مذموم يـنكس بعـد طيـبه بعيب وفــسادي
من خلقته والله من الطيب محروم عـنده بياض الــوجه مثل السوادي
ياكبر شرهاته اليــا صار مزحـوم يشره على لمس السـماء بالايادي
مير التجارب طلعت حر ورخــوم والحــر يعـــرف في نـهار الهدادي
الله كتب بالناس طيب ومعــــدوم امرن من المولى على الخلق سادي
مادبر المولى على العبد مقسـوم ولـــو تنهزم مـانته عن الرب غادي
اللي كتب باللوح بالعمر ملــزوم والــلي فـنى من الناس ماعاد عادي
وين النزول اهل المواثير ورسوم الــلي ســـوالفهم تـــسر الـــفوادي
راحو كما طيرن قلب راسه الحوم شاف الجراد وصــــار طلعه نفادي
والا اليوم الناس ذمن ومذمــــوم بــين الحسد والبغض والشر زادي
يارب تعصمنا من الذنب والقــوم ومـــن السماء يارب تسقي البلادي
وصلات ربي عد مــاتمطر غـيوم عــلى نـــبين صار لــــناس هـــادي

الشاعر //صويان صالح الشويلعي الرشيدي

الموضوع الأصلي: قصيدة موجهه الى الشاعر عيد بن مربح الرشيدي | | الكاتب: سموالمعالي | | المصدر: شبكة بني عبس