[اخو شبطى شباط]

الله على هافاً مثل هاف يعقوب = اللي من الشاصين لحمة ذراعه
عز الله انه للمطاريش مندوب = ون صار بين الليل والصبح ساعه
لا صار سواقه من العام مطلوب = تعميم با امر القبض والا اتباعه
مادرجه من بين ناصب ومنصوب = ولا قال عند الباب سمعن وطاعه

الموضوع الأصلي: تعميم با امر القبض | | الكاتب: اخو شبطى شباط | | المصدر: شبكة بني عبس

[صعصعة]

صح لسانك
للبيع
^_^

[اخو شبطى شباط]

اقتباس من مشاركة مطنوخ عبس صح لسانك للبيع ^_^

صح بدنك لا لتوريد

[صعصعة]

الله يسامحك طيب ليش ناصبه عندنا
يعني بتعلمنا عندك هاف
هههههههه
^_^
كم تحده
^_^

[مقبول القادم]

وقت مضى لا تعد له حسنات وذنوب
خلك مع الكزس وانسى درب المجاعه

والهاف اللي لونه لون شخصاّ منكوب
كبه ترى ماله اليوم مصلوح و طاعه

جيب لكزس يعفيك عن كل متعوب
يريحك بالدرب في كل اوضاعه

ولا صار سواقه مطلوب و مطلوب
محدن لاحقه ..ولاحدن لاوي ذراعه


<<ترى محاولات فقط ...ومجرد رد فقط... لاني تذكرت شي مضى بحياتي وراح ..
وصح لسانك على الابيات

[شلاش]

صح السانك ياراعي الهاف وعاش من شافك
وين التشجيع وين الحماس
وصح السانك يامقبول
لكن الهاف وقت دوره له نورق خاص
عش أخو شبطى عاش ولا يهون المستمع

[المعزب]

اقتباس من مشاركة اخو شبطى شباط الله على هافاً مثل هاف يعقوب = اللي من الشاصين لحمة ذراعه عز الله انه للمطاريش مندوب = ون صار بين الليل والصبح ساعه لا صار سواقه من العام مطلوب = تعميم با امر القبض والا اتباعه مادرجه من بين ناصب ومنصوب = ولا قال عند الباب سمعن وطاعه

ياشباط صار بعالم الهاف عذروب=لو ان منفوق الحنايا شراعه
لو يمدحونه رايهم فيه مقلوب=ياكبر يااخو اشباط فيه الاشاعه
من يوم جاه الجيب ماصار مرغوب=الي ركب بالهاف حول وباعه
من عقب ماهو لهل الشان مركوب=اليوم يااخو اشباط لهل الصناعه

[اخو شبطى شباط]

اقتباس من مشاركة المعزب ياشباط صار بعالم الهاف عذروب=لو ان منفوق الحنايا شراعه لو يمدحونه رايهم فيه مقلوب=ياكبر يااخو اشباط فيه الاشاعه من يوم جاه الجيب ماصار مرغوب=الي ركب بالهاف حول وباعه من عقب ماهو لهل الشان مركوب=اليوم يااخو اشباط لهل الصناعه

صح السانك يالمعزب رد وافي من شاعر وافي لاوان الحقيقة نوب يضيق منها صدر اخو شبطى

يامعزب الرحمن والحق مطلوب = الهاف صمم للحذر والبتاعه
والجيب في تال المديلات مضروب = الياشريته صار مثل الوداعه
امن اول ادروبه مناقير وشطوب = واليوم طول الخط من طول قاعه
وحنا بتال الوقت والعلم مكروب = وعندي وعندك يالمعزب قناعه